मत्ती 15

कनानी जन्नीक विश्वास

21 तब् येशू वहाँसे निकरगिलाँ, और टुरोस और सीडोनके ईलाका ओहोँर गैलाँ। 22 उ ईलाकामेसे एकथो कनानी जन्नी मनैया आके चिल्लाके कहे लागल, "हे प्रभु, दाऊदके छावा, मोरिकमे दया करो। मोरिक छाइहे भूत्वा गजब सताइल बतिस।" 23 येशू उहिहे कुछु जवाफ नै देलाँ। हुँकार चेलनके आके हुँकिन्हे अनुरोध करलाँ, "यिहिहे विदा करदी, काकरेकी उ चिल्लैती हमार पाछे लागल बा।" 24 ऊ कलाँ, "मै इजरायलके मनैनके लग किल पठागिल बतुँ, जेने हेराइल भेँरीनके हस बताँ।" 25 पर उ जन्नी आके हुँकार आघे लम्पसार होके हुँकार गोरा पकरके कहे लागल, "हे प्रभु, महिन्हे सहायता करी।" 26 येशू कलाँ, "लरकनके रोटी लेके कुकरीनहे दारदेना ठिक नै रहत।" 27 ऊ जन्नी कहल, "हाँ प्रभु, पर कुक्कुर फेन ते अंगनामे अपन मलिक्वक बच्का खैथाँ।" 28 तब् येशू उहिहे जवाफ देलाँ, "ए नारी, तोहाँर विश्वास भारी बा। तोहाँर इच्छा करल हस तुहिन्हे होए।" ओकर छाई तब्बेहेँ चोखागिलिस।