मत्ती 16

पत्रुसके स्वीकार

13 जब येशू कैसरिया शहरके फिलिप्पी नगरके लग्गे रहिँत। तब ऊ अपन चेलनहे पुँछ्लाँ, "मनै मै, मनैयक छावाहे के हो कहिके कथाँ?" 14 ओइने जवाफ देलाँ, "कौनो मनै यी सोँच्थाँ कि अप्नि यूहन्ना हुइती, जे मनैनहे डुब्कि देहत। कौनो मनै सोँच्थाँ कि अप्नि परमेश्वरके अगमवक्ता एलिया हुइती। और केऊ सोँचत यर्मिया और कौनो मनै सोँच्थाँ कि अप्नि परमेश्वरके दोसुर भविष्यवक्तामेसे कौनो एकथो हुइती।" 15 तब येशू ओइन्हे पुँछ्लाँ, "तुहुरे का कथो, मै के हुइतुँ?" 16 सिमोन पत्रुस जवाफ देहल, "अप्नि ख्रीष्ट हुइती, जित्ती परमेश्वरके छावा।"