मत्ती 17

येशूक रुप बद्लना

1 यकर छे दिन पाछे येशू पत्रुस, याकूब और ओकर भैया यूहन्नाहे अपन संग एकथो ढेंग पहाड़मे अलग्गे लैगिलाँ। 2 ओइन्के आघे हुँकार रुप बदलगिलिन। हुँकार मुह सूर्य हस चम्कलिन। 3 और हुँकार लुग्गा प्रकाश हस उज्जर होगिलिन। तब् मोशा और एलिया हुँकार संग बात बत्वाइत देखा परलाँ। 4 पत्रुस येशूहे कहल, "हे प्रभु, हमार यहाँ रना मजा बा। अप्निक इच्छा बा कलेसे मै यहाँ तीनथो बैठ्ना तम्बू बनैबुँ। एकथो अप्निक लग, एकथो मोशक लग और एकथो एलियक लग।" 5 ऊ यी बात बत्वैती-बत्वैती एकथो बद्री आके ओइन्हे छोप देहल, और उ बद्रीमेसे एकथो आवाज आइल, "यी मोरिक दुलार छावा हो, यिहिसे मै गजब खुशी बतुँ, यकर बात सुनो।"