रोमी 2

6 काकरेकी परमेश्वर हरेक मनैनहे ओइन्के काम अनुसार ओइन्हे ईनाम दिहिन। 7 धैर्यतासे मजा काम करके महिमा, इज्जत और अमरत्त्व खोजुइयनहे परमेश्वर सदाकालके जीवन दिहीँ। 8 पर जेने स्वार्थी बताँ, और सच्चाईहे नै मन्थाँ, पर खराब काम करथाँ, ओइन्के उप्पर परमेश्वर अपन क्रोध और रिस देखैहीँ। 9 और खराब काम करुइया हरेक मनैनहे दुःख और कष्ट अइहिन। परमेश्वर आघे यहूदिनके न्याय करहीँ, ओकर पाछे ओइन्के न्याय हुइहिन जेने गैर-यहूदी हुइँत।

10 पर मजा काम करुइया सक्कु जहनहे महिमा, आदर और शान्तिक आत्मा मिल्हिन। आघे यहूदिनहे मिल्हिन, ओकर पाछे ओइन्हे मिल्हिन जेने गैर-यहूदी हुइँत। 11 काकरेकी परमेश्वरके लग सक्कु मनै बराबर हुइँत।