28 हम्रे जन्थी, कि जोन मनै परमेश्वरहे प्रेम करथाँ, परमेश्वर उ मनैनके लग सक्कु चिजमे मजै कर्थिन; अथवा वहे मनैनके लग जेनहे परमेश्वर रोजल बताँ। 29 काकरेकी जेनहे परमेश्वर पैलेहेँसे रोजलेले बताँ, ओइन्हे ऊ नियुक्त फेन पैलेहेँ करलेले बतिन, ताकि ओइने हुँकार लरका हस होजाइँत। और परमेश्वरके छावा सक्कु भैयनमेसे सक्कुहुनसे बरका दादू होजाइन। 30 और परमेश्वर जिही-जिहिहे पहिलेहेँसे नियुक्त कर्ले बताँ, ओइन्हे ऊ रोजल फेन बताँ। और जिही-जिहिहे ऊ रोजल बताँ, ओइन्हे ऊ धर्मी फेन बनैले बताँ। और जिही-जिहिहे ऊ धर्मी बनैले बताँ, ओइन्हे ऊ अपन महिमा फेन बाँटल बताँ।