Salmos 51

7 He, binošno som, kanastar uľiľom;

binošno, kanastar manca e daj khabňiľa.

8 Se tu kames, hoj o manuš andro jilo te el pačivalo;

sikav man tiro goďaveripen andre miro duchos.

9 Žužar man andral o binos le izopoha a avava žužo,

thov man a avava parneder sar jiv!

10 De mange te šunel o radišagos a te thovel baripen,

de, hoj pale te radisaľon o kokala, so phagerďal.

11 Phand o jakha angle mire bini

a khos avri savore mire vini!

12 Stvorin mange žužo jilo, ó Devla,

a de man pale zor andro duchos!