1 Sentencoj de Salomono. Saĝa filo estas ĝojo por sia patro, Kaj filo malsaĝa estas malĝojo por sia patrino.

2 Maljustaj trezoroj ne donas utilon; Sed bonfaremo savas de morto.

3 La Eternulo ne malsatigos animon de piulo; Sed la avidon de malpiulo Li forpuŝas.

4 Maldiligenta mano malriĉigas; Sed mano de diligentuloj riĉigas.

5 Kiu kolektas dum la somero, tiu estas filo saĝa; Sed kiu dormas en la tempo de rikolto, tiu estas filo hontinda.

6 Beno estas sur la kapo de piulo; Sed la buŝo de malpiulo kaŝas krimon.

7 La memoro de piulo estas benata; Sed la nomo de malpiuloj forputros.

8 Kiu havas saĝan koron, tiu akceptos moralordonojn; Sed kiu havas malsaĝan buŝon, tiu renversiĝos.

9 Kiu iras en senkulpeco, tiu iras sendanĝere; Sed kiu kurbigas siajn vojojn, tiu estos punita.

10 Kiu grimacas per la okulo, tiu kaŭzas suferon; Kaj kiu havas malsaĝan buŝon, tiu renversiĝos.

11 La buŝo de piulo estas fonto de vivo; Sed la buŝo de malpiulo kaŝas krimon.

12 Malamo kaŭzas malpacon; Sed amo kovras ĉiujn pekojn.

13 Sur la lipoj de prudentulo troviĝas saĝo; Sed vergo apartenas al la dorso de sensaĝulo.

14 Saĝuloj konservas la scion; Sed la buŝo de malsaĝulo estas proksima al la pereo.

15 La havo de riĉulo estas lia fortika urbo; Sed pereo por la malriĉuloj estas ilia malriĉo.

16 La laborpago de piulo estas por la vivo; La enspezoj de malpiulo estas por peko.

17 Kiu konservas la instruon, tiu iras al vivo; Sed kiu forĵetas atentigon, tiu restas en eraro.

18 Kiu kaŝas malamon, tiu havas falseman buŝon; Kaj kiu elirigas kalumnion, tiu estas malsaĝulo.

19 Ĉe multo da vortoj ne evitebla estas peko; Sed kiu retenas siajn lipojn, tiu estas saĝa.

20 La lango de piulo estas plej bonspeca arĝento; La koro de malpiuloj estas kiel nenio.

21 La lipoj de piulo gvidas multajn; Sed malsaĝuloj mortas pro manko de saĝo.

22 La beno de la Eternulo riĉigas, Kaj malĝojon Li ne aldonas al ĝi.

23 Por malsaĝulo estas ĝojo fari malbonon; Kaj saĝo, por saĝulo.

24 Kio timigas malpiulon, tio trafos lin; Kaj kion deziras piuloj, tio estos donita al ili.

25 Kiel pasanta ventego, tiel malpiulo rapide malaperas; Sed piulo havas eternan fundamenton.

26 Kiel la vinagro por la dentoj kaj la fumo por la okuloj, Tiel la maldiligentulo estas por tiuj, kiuj lin sendis.

27 La timo antaŭ la Eternulo multigas la tagojn; Sed la jaroj de malpiuloj estos mallongigitaj.

28 La atendo de piuloj fariĝos ĝojo; Sed la espero de malpiuloj pereos.

29 La vojo de la Eternulo estas defendo por la senpekulo, Sed pereo por la malbonfarantoj.

30 Piulo neniam falpuŝiĝos; Sed la malpiuloj ne restos sur la tero.

31 La buŝo de piulo eligas saĝon; Sed lango falsema estos ekstermita.

32 La lipoj de piulo anoncas favoraĵon, Kaj la buŝo de malpiuloj malicaĵon.

1 The proverbs of Solomon.

A wise son maketh a glad father;

But a foolish son is the heaviness of his mother.

2 Treasures of wickedness profit nothing;

But righteousness delivereth from death.

3 Jehovah will not suffer the soul of the righteous to famish;

But he thrusteth away the desire of the wicked.

4 He becometh poor that worketh with a slack hand;

But the hand of the diligent maketh rich.

5 He that gathereth in summer is a wise son;

But he that sleepeth in harvest is a son that causeth shame.

6 Blessings are upon the head of the righteous;

But violence covereth the mouth of the wicked.

7 The memory of the righteous is blessed;

But the name of the wicked shall rot.

8 The wise in heart will receive commandments;

But a prating fool shall fall.

9 He that walketh uprightly walketh surely;

But he that perverteth his ways shall be known.

10 He that winketh with the eye causeth sorrow;

But a prating fool shall fall.

11 The mouth of the righteous is a fountain of life;

But violence covereth the mouth of the wicked.

12 Hatred stirreth up strifes;

But love covereth all transgressions.

13 In the lips of him that hath discernment wisdom is found;

But a rod is for the back of him that is void of understanding.

14 Wise men lay up knowledge;

But the mouth of the foolish is a present destruction.

15 The rich man’s wealth is his strong city:

The destruction of the poor is their poverty.

16 The labor of the righteous tendeth to life;

The increase of the wicked, to sin.

17 He is in the way of life that heedeth correction;

But he that forsaketh reproof erreth.

18 He that hideth hatred is of lying lips;

And he that uttereth a slander is a fool.

19 In the multitude of words there wanteth not transgression;

But he that refraineth his lips doeth wisely.

20 The tongue of the righteous is as choice silver:

The heart of the wicked is little worth.

21 The lips of the righteous feed many;

But the foolish die for lack of understanding.

22 The blessing of Jehovah, it maketh rich;

And he addeth no sorrow therewith.

23 It is as sport to a fool to do wickedness;

And so is wisdom to a man of understanding.

24 The fear of the wicked, it shall come upon him;

And the desire of the righteous shall be granted.

25 When the whirlwind passeth, the wicked is no more;

But the righteous is an everlasting foundation.

26 As vinegar to the teeth, and as smoke to the eyes,

So is the sluggard to them that send him.

27 The fear of Jehovah prolongeth days;

But the years of the wicked shall be shortened.

28 The hope of the righteous shall be gladness;

But the expectation of the wicked shall perish.

29 The way of Jehovah is a stronghold to the upright;

But it is a destruction to the workers of iniquity.

30 The righteous shall never be removed;

But the wicked shall not dwell in the land.

31 The mouth of the righteous bringeth forth wisdom;

But the perverse tongue shall be cut off.

32 The lips of the righteous know what is acceptable;

But the mouth of the wicked speaketh perverseness.