1 ጎዳይ ጺዮኔ ማጫ ናዮ ባ ሃንቆን ዎስቲ ካዉሺዴ!

ኢስራኤሌ ቦንቾ

ሳሎፔ ዱጌ ሳኣን ዬጊዴስ፤

ኢዚ ባ ሃንቆ ጋላስ

ባ ቶሆ ሼምፒሲዛሶ

ጊዲዳሮ ዛሪ

ቆፓናስ ኮዪቤና።

2 ያቆቤ ዱሳሶ ኡባ ጾሲ

ቃታይ ባይንዳ ይሲዴስ፤

ዩሁዳ ዴሬ ሚጻታ

ኢዚ ባ ሃንቆን ላሊዴስ፤

ኢዚ ካዎቴኔ

ዴሬ ኣይሲዛይታ

ካዉሺዲ ዱጌ

ቢታን ዬጊዴስ።

3 ኢዚ ባ ጊታ ሃንቆን

ኢስራኤሌ ዎልቃ ሊቂሲዴስ፤

ሞርኬይ ኢዛ ኦላናስ ዪዛ ዎዴ

ባ ማዶ ኩሼ

ኢስታፌ ዴንዴስ፤

ባ ዩሾን ዲዛ ኡባ

ሚዛ ታማ ላጮ ማላ

ኢዛ ሃንቆይ ያቆቤ ቦላ

ኤጺ ኬዚዴስ።

4 ኢዚ ሞርኬ ማላ

ዎንዳፌ ዳፊ ኦይኪዴስ፤

ኢዛ ኡሻቻ ኩሼይ

ዪሻ ዬዳናስ ጊግሲዴስ፤

ባና ሎኢዛይታ ኡባ

ሞርኬ ማላ ሹኪዴስ፤

ጺዮኔ ዱንካኔታ ቦላካ

ባ ሃንቆ ታማ ማላ ቆሊዴስ።

5 ጾሲ ሞርኬ ማላ ጊዲዲ

ኢስራኤሌ ዲፒ ሂስቲዴስ፤

ካዎቴ ኬካ

ይሲዴስ፤

ኢዚ ሚጻካ ላሊዴስ፤

ዩሁዳ ኣሳ ቦላ

ካዮኔ ዚላስ ዳርሲዴስ።

6 ኢዚ ባ ኬ ካ ጊዶን ዲዛ

ጋባ ሾዲዛ ማላ

ሾዲ ኦሊዴስ፤

ጾሲ ጺዮኖ

ኢዛ ላይን ላይን

ቦንቺዛ ባኣሌታኔ

ሳምባታታ ዲጊዴስ፤

ኢዚ ባ ሚኖ ሃንቆን

ካዎዛኔ ቄሴዛ

ካዉሺዴስ።

7 ጎዳይ ያርሾ

ያርሺዛሶሆዛ ካዴስ፤

ባ ኬካ ኣጊዴስ፤

ባ ካዎቴ ኬ ጊምቤታ

ሞርኬስ ኣ ኢሚዴስ፤

ባኣሌ ጋላሳታን

ኦዛይሳ

ኢስቲ ጎዳ ኬን

ኬሂ ዋሲዳ።

8 ጎዳይ ጺዮኔ ካታማ ጊምቤ

ላላናስ ቃንጺ ዴንዲዴስ፤

ሚጼ ዎዶሮዛ ፒዲሲዴስ፤

ኢዚ ኢስታ ይሶንታ ኣጌና፤

ሚጻቲኔ ጊምቤቲ ላሌቲዳ፤

ኢስቲካ ኢሲፌ ይዳ።

9 ኢዚ ፔንጌቲ ዱጌ ቢታን ጌሊዳ፤

ካሬ ጎርዲዛ ቢራታ ኮላታቲ

ሜቄሬቲ ዎዳ፤

ኢዚ ካዎዚኔ ዳናቲ

ኣይዛቤታን ዲኤቲ ቢዳ፤

ሃይሳፌ ጉዬ ካሴ ኢስታስ ዲዛ

ዎጋይ ኦና፤

ኢዚ ናቤታስካ ሃይሳፌ ጉዬ

ጎዳፔ ኣጁታይ ቆንጬና።

10 ጺዮኔ ዴሬ ጪማቲ

ቢታ ቦላ ጮኡ ጊ ኡቲዳ፤

ኢስቲ ባ ሁኤን ጉዱላ ላሊዳ፤

ማቃካ ማይኢዳ፤

ዬሩሳላሜ ጌላኦቲ

ዱጌ ቢታ ጼሊዳ።

11 ታ ዴሬይ ዉሪዴስ፤

ናቴ ናይቲኔ ቄሪ ናይቲ

ካታማ ጊዶን ላባኒ ኩንዲዳ።

ሄሳ ጊሻስ ታ ኣይፌይ

ኣፉንን ባልጁሚዴስ፤

ታስ ማራጬይ ኮኮሪዴስ፤

ታ ዎዚናይካ ሴሪዴስ፤

12 ኦላሶን ማዱንጺ ኩንዲዳ

ኣሳታ ማላ

ካታማይ ጊዶን ኢስቲ ዳቡርዳ፤

ኢስቲ ባንታ ኣዬታ፥

«ካኔ ሃ

ኑስ ኣዋን ዲዜ?»

ጊ ኦይቺሼ ኢስቲ ቄሴ ቦላ

ቦርኮቲዲ ሼምፖ ኬዚዳ።

13 «ሃኔ ዬሩሳላሜ!

ታ ኔ ጊሻስ

ኣይ ጋናስ

ዳንዳያዚና?

ታ ኔና ኣዛራ ጊናሳ ጼሎ?

ሃኔ ዶሴቲዳ

ጺዮኔ ጌላኦዬ!

ታ ኔና ዎስታ ሚንናስ

ዳንዳያዚና?

ኔ ማዱንይ

ኣባፌካ ጪማቴስ፤

ኔና ፓናስ

ዳንዳይዛይ ኦኔ?

14 ኔ ናቤታ ኣጁታይ

ዎርዶኔ ጮ ሃዳ፤

ኔ ናጋራ ቆንጪሲዲ

ኔና ዲኤቴፌ ኣሼቴና፤

ኢስቲ ኔስ ዮቲዛ ቲንቢቴይ

ባሌዛዚኔ

ኦጌፔ ካሬ ኬሲዛዛ።

15 ኔ ኣቻራ ኣ ቢዛ ኡባይ

ኔ ቦላ ባ ኩሼ ባቂ ካኣና፤

ቢታ ኡባን

ኣ ሎኦ ጌቴቲዛ

ካታማያኔ

ዴሬ ኡባይ ኡፋዬቲዛ

ካታማያ ሃኒ?» ጋና፤

ቂሼካ ባ ሁኤ ቃና።

16 ኔ ሞርኬቲ ኡባይ ኢሲፌ

ባንታ ዶና ኬሂ ዶይዳ፤

ባንታ ኣች ሳጺሼ ቂዳ፤

«ኑኒ ኢዞ ሚቲዶስ!

ኑኒ ኣሞቲዳራ ሃኖ፤

ሼምፖራ ፓጻ ዲዲ

ጋኪ ኣይፌን ቤኢዶስ» ጊዳ።

17 ጾሲ ባ ቆፒዳይሳ ኦዴስ፤

ዳሮ ዎዴፔ ካሴ ዮቲዳ

ቃላ ፖሊዴስ፤

ኢዚ ኔና ቃታይ

ባይንዳ ላሊዴስ፤

ኔ ዋዬቲሺን

ሞርኬይ ኡፋዬታና ማላ

ኔ ሞርኬታ

ቁ ቁ ሂስቲዴስ።

18 ዬሩሳላሜ ጊምቤ

ጊዶን ዲዛ ኣሳዉ!

ጾሳኮ ዋሲቴ፤

ኢንቴ ኣፉን ኦማርሲኔ

ጋላስ ዲኦ ማላ ጎጎ፤

ኢንቴካ ሼምፖፍቴ፤

ኢንቴ ኣይፌሲካ ሼምፖ ኢሞፍቴ።

19 ቃማ ኩሜ ዴንዲዲ ዋሲቴ፤

ጎዳ ሲንን ኢንቴ ዎዚና

ሃ ማላ ጉሲቴ፤

ኦጌ ዶናን ኮሻቲ ኩንዲዳ

ኔ ናይታ

ሼምፖ ጊሻስ ኔ ኩሼ

ፑዴ ኢዛኮ ዴንዳ ዎሳ።

20 ኣቤት ጎዳዉ!

ሃይሳ ኔ ቤኣ!

ኔኒ ሃይሳ ካሴ ኦና ቦላ

ኦ ኤሪዛኮ ኣኔ ኣኬካ፤

ኣያ ዬላ ዲቺዳ ና

ዛራ ማናስ ቤሲዜ?

ቄሴይኔ ናቤይ

ጾሳ ኬን

ሃይቃናስ ቤሲዜ?

21 ዬላጋቲኔ ጪማቲ ሃይቂዲ

ኦጌን ኩንዲ ኣቲዳ፤

ዬላጋ ማጫሳቲኔ

ኣቱማቲ ማሻን ሃይቂዳ፤

ኔ ሃንቄቲዳ ጋላስ

ኢስታ ዎዳሳ፤

ቃታይ ባይንዳካ ሹካዳሳ።

22 ባኣሌ ጋላስ ዲጊሳስ

ጼይጊዛ ማላ

ታ ሞርኬታ ታ ቦላ ጼይጋዳሳ፤

ኔ ሃንቆ ጋላስ

ኦኒካ ኬሲ ኤኪቤና፤

ዎይኮ ሼምፖራ ፓጻ

ኣቲዳይ ዴና፤

ታ ዬላ ዲቺዳይታ

ሞርኬይ ታፔ ይሲዴስ።