Yohanes 1

45 De o Filipus asa to ona manga dodiao moi o Natanael wimake de wotemo unaka, <<He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi iḋoḋomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.>>

46 O Natanael woise de wotemo, <<Ce! Idodooha so o loha de ma sihino o Nazaretno.>>

Ḋabolo de o Filipus wotemo, <<Hino, potagi la ngona lo aku nowinano.>> So ona imajobo.

47 De ona itagi so o Yesus he widumuka, de Una asa wotemo o Natanaelka, <<Kanaga o nyawa moi una o Israelka ma nyawa, una magena ka wotiai de lo awi siningaka o gulai moi lo ihiwa.>>

48 So o Natanael wosano wotemo o Yesuska, <<Baba, iḋomaka kiaka pomakamake so Ngona aku notemo ngohi noinakoka.>>

So o Yesus wotemo unaka, <<Baba, iḋomaka o Filipus ngona woniaso waasi, de Ngohi tonikelelo ngona nomataru o ara ma hutu ma litimika nomatamiku.>>

49 Kagena de o Natanael wotemo, <<Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.>>

50 Ḋabolo de o Yesus wotemo unaka, <<Ce! Samaloha so Ngohi tonisingangasu, so ngona asa Ngohi noipiricayaka, sababu tonikeleloka ma orasi ngona kagena o ara ma hutu ma golaka. Ngaroko komagena, ngona done asa nakelelo o bi moi-moi ma somoali idadi so done ngona foloisi nohairani. 51 De lo ngona tonisingangasu igogou, ngona done asa nakelelo o soroga ipelenga de o Gikimoi Awi malaikat-malaikat kanaga maro Ngohi o Nyawa ma Duhutu Ai simaka ona magena asa iuti de idola.>>