Qollasiyaasike Manni'a 1

Yessuus Siretike Kadeexxa

15 Kiristoosi leellabaake Mageni’a dhugaatixxe fakken. Isi dada duuchchi edi darre angafaken. 16 Iimate’ninna buttate’n hedheechchiir, leellaachchiirinna leellabaachchiir, iimatixxi hunnuwwa, galchalluwwi, sooressuwwikinna baalloomiikiir duuchchi dademeeki isinniten. Iittanni Magen duuchchiinxa yaane dadedeek isinninna isi’aten. 17 Kiristoosi duuchchiinxe yaane edi darre hedhemman; duuchchiinxi yaane abidendeexxi uurriteek isinniten. 18 Isi biso ifike kadeexxe Mageniinxe tuutake umon; Isi duuchchiinxe yaane iimi darre hedheeke kado’a reyotenaa’n ke’ati siretikenna angafaken. 19 Tenninna kaddeechchi Magenummatixxi wo’ma iso’ni hexxo’a Mageno Aabixxe fedhii kaddeemmaxxeeten. 20 Fannote’ni hana dunendeexxe isike beltixxe mundenni nage’a iyyedage. Isi darree’n iimate’ninna buttate’n hexxeexxi yaane duuchchi ifi’ni araarendaashsha asse.