Efesoonike Manni'a 3

Kiristoosixxa Jaalala

14 Tenne buutoxxee Mageno Aabi edo guluffattaannen; 15 isinaa’n iimate’ninna butta hedheeki mitti mittiing mini hadi duuchchi ifi ifika dhugaatika summa*3:15 yookaan Annumma duuchcha alfaan 16 Giddixxi ha’nooxxe hedhonni jabaatinaashsha Hafuuri ifik darree’n ifike ulfinnixxe durummanaa’ni ha’no’a uwwo’a soodataannen. 17 Tinninna amanati Kiristoosi qalbe ha’nooxxe’ni galo’aten. Iittanni hidda oltitineexxi jaalala’ni ijaarendineeke kaddinaashsha soodataanneni. 18 Iittanni Kiristoosixxe jaalalaki ba’linni, qeerrinni, ejjuminna dhi’mo hittee qico kaddeexxa woyyoole duuchchinni welti qalbeeffachchotixxa hunna alfittinaashsha, 19 Mageniinxe wo’ma duuchchi qico’n geltineexxi wo’mitino’a, manjiinxe ege’na iimi darre hexxeexxa Kiristoosixxa jaalala egendinaashshaten.