Neemias 2

Neɠemi siɠigiti kɛʋelei ʋɛtɛ fai

11 Sèeliai ma Zeluzalɛme, gè looɠoni folo saʋagɔ laawu. 12 Naa ʋoluma, gè wuzeɠeni ga kpidii, gè la faa nɔpɛ boni nu ma, ga nii nà-GALAGI puuni zìima ga gè kɛ taai ʋɛ, nui tanigaa nɔ ɠa ti ʋilɛni pòlu. Gè la ɠɛni liini ga togani nɔpɛ, kɛni toganii nɔ nii é ɠɛni sèɠezu. 13 Gè ɠulani taai ʋa kpidii ga Pɛtugi Ʋɔ Pele Ziɠidaʋɛ, gè li ga Koʋe Ɗɛungi ʋɔ pelei, ta Kpoɠa Siɠida ʋelei, gè ɠɛni Zeluzalɛme ziɠigiti sumɔsu, gè kaani ga zeɠei ɠa ti pɛ ba, ta abui ma ɓogiti galaʋɛ. 14 Gè liini ga Ziɛun Siɠida ʋelei, ta Masa Kpoigi ʋɔ pelei, kɛlɛ nà-toganii nii gè ɠɛni kɔma, naa la mɔ ɠɛni leʋe pele ɠaazu. 15 Kpidii gè leʋeni ga zeɠezaɠa wolai ʋɔ pelei, gè ɗa siɠigiti sumɔ, naa ʋoluma gè ɠale ma ga Pɛtugi Ʋɔ Pele Ziɠidaʋɛ, ʋele ɠana gè taai maaɠakuni la. 16 Kundiɠiiti ti la ɠɛni kwɛɛ ʋɛ dìai ná, ta nii dìai kɛɛzu, tɔɔzei eyɛsu foloi nuu zeeli, gè la ɠɛni dɛ faa woni Zuifuiti ma, ta zalaɠa ɠula nuiti, ta nu ɓiigiti, naa ʋɛɛ kundiɠiiti ba, ta botiɠɛ nui tanɔpɛ.