ዮሃንሳ ዎንገላ 15

ዎይነ ኡባነ ታሸታ

1 "ታኒ ቱማ ዎይነ ኡባ። ጎሻንቾይ ታ አዋ። 2 እ፥ ታ ቦላ ደእያ አይፈ አይፎና ታሽያ ኡባ ካሬስ። አይፍያ ታሽያ ካሰፐ አድ አይፋና መላ ሄ ታሽያ እ ጊግሳና። 3 ታኒ ህንተዉ ኦድዳ ቃላ ግሾ ህንተ ጌሽ። 4 ታናን ደእተ፤ ታንካ ህንተናን ደአና። ዎይነ ታሸይ ኡባራ ዶና እፅኮ ሄ ታሸይ ባርካ አይፈ አይፋናዉ ዳንዳኤና። ሄሳዳካ፥ ህንተካ ታናን ደኦና እፅኮ አይፈ አይፋናዉ ዳንዳኤከታ።

5 "ታኒ ዎይነ ኡባ፤ ህንተ ታሸታ። ታናን ደኤይስነ ታኒ እያን ደኤይስ፥ እ ዳሮ አይፈ አይፋና። ታ ባይና ህንተ ፃላላ አይኮካ ኦናዉ ዳንዳኤከታ። 6 ታናን ዶና ኡራይ ታሽያዳ ካረን የግትድ መላና። ሄሳ መላ ታሸት ሺቅድ ታማን የገታና፥ ፁገታና። 7 ህንተ ታናን ደእኮ፥ ታ ቃላይካ ህንተናን ደእኮ፥ ህንተ ኮይያባይ አይባ ግድኮካ ዎስተ፤ ህንተ ኤካና። 8 ህንተ ዳሮ አይፈ አይፍያ ታ ታማረ ግድኮ፥ ሄሳን ታ አዋይ ቦንቸታና።