Marcos 3

22 ህገ አስታማረታፐ እሶት እሶት የሩሳላመፐ ይድ፥ "እያ ቦላ ብኤል-ዘቡል ደኤስ"፥ እ፥ "ፃላሄይ ዎልቃን ቱና አያናታ ከሴስ" ያግድ ኦደትዶሶና።✝3:22 ማቶ 9:34፤ 10:25.

23 የሱሲ አሳ ባኮ ፄግድ ሌምሶ ኦድስ። "ፃላሄይ ፃላሄ ዋት ከሳናዉ ዳንዳኢ? 24 እስ ካዎተይ ባ ግዶን ሻከትኮ ሄ ካዎተይ ኤቃናዉ ዳንዳኤና። 25 ሄሳዳካ፥ እስ ኬ አሳይ ባንታ ግዶን ሻከትኮ ያናፐ አትሽን፥ ዳናዉ ዳንዳኦኮና። 26 ህዛ፥ ፃላሄይ ባራ ካጨትድ ሻከትኮ ዮፐ አትሽን፥ ዳናዉ ዳንዳኤና።

27 "ሽን ኮይሮትድ ዎልቃማ ኡራ ቃቾና ደእሸ እያ ኬ ገልድ፥ እያ ሚሽያ ቦንቃናዉ ዳንዳእያ አስ ባዋ። ቃች ስሚድ እያ ኬ ቦንቃናዉ ዳንዳኤስ።

28 "ታኒ ህንተዉ ቱማ ኦዳይስ፤ ፆሳይ አሳ ናይታስ ናጋራ ኡባነ ኤንቲ ጫይያ ጫሸ ኡባ አቶ ጋና። 29 ሽን ጌሻ አያና ቦላ ኢታባ ኦደትያ ኦደስካ መርና ናጋራ ግዳናፐ አትሽን፥ ፆሳይ ኡባራካ እያ ማረና" ያግስ።✝3:29 ሉቃ 12:10. 30 የሱሲ ሄሳ ግዳይ፥ እስ እስ አሳት፥ "እያ ቦላ ቱና አያናይ ደኤስ" ያግዳ ግሾሳ።