ዮናስ ናናወ ቡሳ
1 ጎዳ ቃላይ ናምአን ዮናሳኮ ሀይሳዳ ያግድ ይስ። 2 "ደንዳዳ ግታ ካታማ ናናወ ባ፤ ታ ነዉ ኦድያ ቃላ ኤንታዉ አዋጃ" ያግስ።
3 ዮናስ ጎዳስ ኪተትድ ናናወ ብስ። ናናወይ ዳሮ ግታ ካታማ። ሀ ጋፃፐ ህን ጋፃ ጋካናዉ ሄ ቃማ ሄመስ። 4 ዮናስ ካታማ ገልድ እስ ጋላሳ ኦገ ሄመትድ፥ "ናናወይ ኦይታሙ3:4 እብራወ ዶናን ፃፈትዳይሳን ኦይታሙ ግያ ዎደ ሀራ ካሰ ብርሸት ሄ ጎሶና። ጋላሳፐ ጉየ ያና" ያግድ አዋጅስ።
5 ናናወ አሳይ ፆሳ አማንዶሶና። ፆማ አዋጅዶሶና፤ ጉፈ ግታ ጋካናዉ አስ ኡባይ ካዮ ማኦ ማእዶሶና።
ናናወ አሳይ ጎዳኮ ስሙዋ
6 ናናወ ካዎይ ሄ ኦዳ ስእዳ ዎደ ባ ካዎተ አራታፐ ዎድ፥ ካዎተ ማኡዋ ቃርድ ካዮ ማኦ ማእድ ብዶ ቦላ ኡትስ። 7 ናናወ ደርያስ ሀይሳዳ ያግድ አዋጅስስ፦ "ካዋፐነ እያ ሞርናታፐ ከይዳ ኪታዳ ሀችፈ ዶምድ ህንተራነ ህንተ መሄታራ፥ አይብባካ ሞና መላ ኡዮና መላ። 8 አስነ መሄ ኡባይ ካዮ ማኦ ማኦ። እስ እስ አስ ምንድ ፆሳኮ ዋሶ። ባ ኢታ ኦግያፐ ስሞ፥ ባ ኢታ ኦሱዋካ አጎ። 9 ፆሳይ ኑስ ቃትድ፥ ኑኒ ዮና መላ ባ ዎልቃማ ሀንቁዋፈ ስማነኮ ኦን ኤር!" ያግስ።
10 ኤንቲ ባንታ ኢታ ኦግያፐ ስምዳይሳ ፆሳይ በእዳ ዎደ ኤንታዉ ቃትድ ኤንታ ቦላ ኤሀና ግዳ ኢታባ አጋግስ።