ፃማቅያ ዮሃንስ ኦገ ጊግሷ
(ማር 1:1-8፤ ሉቃ 3:1-17፤ ዮሀ 1:19-28)
1,2 ሄ ዎደ ፃማቅያ ዮሃንስ፥ "ፆሳ ካዎተይ ማታትዳ ግሾ ህንተ ናጋራፐ ስምተ" ያግድ ሳባክሸ ይሁዳ መላ ቢታ ብስ።3:1-2 ማቶ 4:17፤ ማር 1:15. 3 ናብያ እሳያስ ዮሃንሳባ ኦድዳይሳ መላ፥
"መላ ቢታን፥
እሶይ ባ ቃላ ቁ ኦድ፥
‘ጎዳ ኦግያ ጊግስተ።
እያ ሆሮጋ ፕድ ኦተ’ ግስ"3:3 እሳ 40:3.
ያገትዳይ እያሳ ያግስ።
4 ዮሃንስ ግማለ እክሰፐ ኦሰትዳ አፍላ ማኤስ። ባ ፄሳን ዳፎ ዳንጬስ። እ ምያ ካይካ ቦለነ ደገራ ኤስ።3:4 2 ካዎ 1:8. 5 አሳይ ሄ ዎደ የሩሳላመ ካታማፐ፥ ይሁዳ ቢታ ኡባፈነ ዮርዳኖሰ ሻፋ ሄራፐ እያኮ ዮሶና። 6 ባንታ ናጋራ ፓፅድ ዮርዳኖሰ ሻፋን ዮሃንሳ ኩሸን ፃማቀቶሶና።
7 ዮሃንስ፥ ዳሮ ፋርሳወትነ ሳዱቃወት ፃማቀታናዉ ባኮ የይሳታ በእድ፥ ኤንታኮ፥ "ሀ ኢታ ሾሻቶ፥ ያና ፆሳ ሀንቁዋፈ ባቃታና መላ ህንተና ኦነ ዞርዳይ?3:7 ማቶ 12:34፤ 23:33. 8 ህዛ፥ ህንተ፥ ህንተ ናጋራፐ ስምዳይሳ ኤርስያባ ኦተ። 9 ህንተ፥ ህንተ ዎዛናን፥ ‘አብራሃመይ፥ ኑ አዋይ ደኤስ’ ግድ ቆፖፍተ። ሎይ ስእተ! ፆሳይ ሀ ሹቻታፐ አብራሃመስ ናአ ከሳናዉ ዳንዳኤስ።3:9 ዮሀ 8:33. 10 ቤፀይ ም ፃጶን ጊግድ ኡትስ፤ ሎኦ አይፈ አይፎና ም ኡባይ ቃንፀትድ ታማን የገታና።3:10 ማቶ 7:19.
11 "ህንተ፥ ህንተ ናጋራፐ ስምዳይሳ ኤርሳናዉ ታኒ ህንተና ሃን ፃማቃይስ። ሽን ታፐ ጉየራ የይስ ህንተና ጌሻ አያናንነ ታማን ፃማቃና። እ ታፐ ዳሮ ዎልቃሜስ፤ ታኒ ሀር አቶሽን እያ ጫማ ቶካናዉካ በስከ። 12 ካ ጌሽያ ፕይ እያ ኩሸን ደኤስ። ካ ሎይ ጌሼስ፤ ግስትያ ባ ሻልያን ቆላና፥ ሽን ፑኑዋ ቶኦና ታማን ፁጋና" ያግስ።
የሱሳ ፃማቀተ
(ማር 1:9-11፤ ሉቃ 3:21-22)
13 ሄ ዎደ የሱሲ ዮሃንሳ ኩሸን ፃማቀታናዉ ጋልላፐ ዮርዳኖሰ ሻፋ ብስ። 14 ሽን ዮሃንስ እያ ድጋናዉ ኮይድ፥ "ታኒ ነናን ፃማቀታናዉ ኮሽሽን ኔኒ ታኮ ያይ?" ያግስ። 15 ሽን የሱሲ ዛሪድ፥ "ፆሳይ ኑፐ ኮያባ ኡባ ኑ ፖላናዉ በሲያ ግሾ፥ ሀእ ታዉ ኤሮ ጋ" ያግስ። ዮሃንስ እያዉ ኤሮ ግድ ኤክስ። 16 የሱሲ ፃማቀትዳ መላ ሃፈ ከይስ። ኢራካ ሳሎይ ዶየትን ፆሳ አያናይ ሆለዳ ይሽን ቃስ ባ ቦላ ዎልአምድ ዎሽን በእስ። 17 ሄ ዎደ፥ "ታ ዶስያ፥ እያን ታና ኡፋይስያ ታ ናአይ ሀይሳ" ግያ ቃላይ ሳሎፐ ይስ።3:17 ማቶ 12:18፤ 17:5፤ ማር 1:11፤ ሉቃ 9:35.