Atos 19

ಎಪೆಸಾತ್ ಪೌಲ್

1 ಅಪೊಲೊಸ್ ಕೊರಿಂಥಾತ್ ಆಸ್ತಾನಾ ಪೌಲ್ ಮಲಾಡಾತ್ ಪಿರತ್ ಎಫೆಸಾತ್ ಯವುನ್ ಥೊಡ್ಯಾ ಶಿಶಾನಾ ಬಗುನ್; 2 "ತುಮಿ ಇಸ್ವಾಸ್ ತೆವ್ಲಾತವಾ ಪವಿತ್ರಾತ್ಮ ಗೆತಲ್ಯಾಸಾ ಕ್ಯಾ? ಮನ್ಹುನ್ ತ್ಯನಾ ಇಚಾರ್ತಾನಾ ತ್ಯಂಚಾನಿ ತ್ಯಲಾ; "ನಾಹಿ, ಪವಿತ್ರಾತ್ಮ ಹಾ ಮನ್ಹುನ್ ಆಮಿ ಐಕ್ಲಸ್ನಾಹಿ" ಮನ್ಹುನ್ ಉತ್ತರ್ ದಿಲಾ.

3 ತವಾ ತ್ಯನಿ; "ತುಮಿ ಕಸ್ಲಿ ಬಾಪ್ತಿಸ್ಮಾ ಗಿತ್ಲಿಸಾ" ಮನ್ಹುನ್ ಇಚಾರ್ಲ್ಯಾಲ್ಯಾಲಾ ತ್ಯಂಚಾನಿ; "ಯೊಹಾನಾಚ಼ ಬಾಪ್ತಿಸ್ಮಾ ಗೆತ್ಲಿ" ಮನ್ಲ.

4 ತವಾ ಪೌಲಾ "ಯೊಹಾನ್ ಪಾಪ್ ಸುಡುನ್ ದೆವಾಕ್ಡ ಪರಾತಲ್ಯಾಲಾ ಬಾಪ್ತಿಸ್ಮಾ ದಿವುನ್ ಆಪ್ಲೆ ಮಾಗ್ನಿ ಯತ್ಯಾಲ್ಯಾ ಯೆಸುವ ಇಸ್ವಾಸ್ ಥೆವಾಯಾ ವ್ಹಯಿ ಮನ್ಹುನ್ ಲೊಕಾನಾ ಸಾಂಗ್ತೊ" ಮನ್ಲಾ ತವಾ

5 ತ್ಯಂಚಾನಿ ತ್ಯಾ ಬೊಲ್ಯಾ ಐಕುನ್ ಪ್ರಭು ಯೇಸು ಕ್ರಿಸ್ತಾಚಾ ನಾವಾನಿ ಬಾಪ್ತಿಸ್ಮಾ ಗೆತ್ಲಿ. 6 ಪೌಲಾನಿ ತ್ಯಂಚಿವ ಹಾತ್ ಥೆವ್ಲಾ ತವಾ ಪವಿತ್ರಾತ್ಮ ತ್ಯಂಚಿವ ಆಲ; ತೀ ದುಸ್‍ರ‍್ಯಾ ದುಸ್‍ರ‍್ಯಾ ಬೊಲ್ಯಾ ಬೊಲಾಯಾ ಲಾಗ್ಲಿತ, ಆನಿ ದೆವಾಚಿ ಖಬರ್ ಸಾಂಗ್ಲಿ. 7 ತೇ ತಿಥ ನಾಹಿ ಮನ್ಲತ ಬಾರಾಜಾ಼ನ್ ಗಡಿಹುತ್ತ.

8 ತೇ ಪೆಠತ್ ಪೌಲ್ ಸಭಾಸ್ಥಾನಾತ್ ಜಾ಼ವುನ್, ತಿನ್ ಮೈನ್ಹ ತಿಥಸ್ ದೇವಾಚಾ ರಾಜಾಚೆ ಖನ್ಕತಿಚೆ ಗುಸ್ಟಿಚಿ ಚರ್ಚಾ ಕರಿತ್ ದಿರ‍್ಹಾನಿ ಬುಲುನ್ ಲೊಕಾಂಚ಼ ಮನ್ ವಳ್ವಿತಾ. 9 ಫನ್ ಥೊಡ್ಯಾಚಾಂನಿ ಆಪ್ಲಿ ಮನ ಘಟ್ ಕೆಲಿತ. ಆನಿ ಇಸ್ವಾಸ್ ಕೆಲಾನಾಹಿ ಆನಿ ಸಗ್‍ಳ್ಯಾ ಲೊಕಾಂಚಾ ಹಿಂಡಾಚೆ ಮೊರ‍್ಹ ಪ್ರಭುಚಾ ಮಾರ್ಗಾಚೆ ಗುಸ್ಟಿತ್ ವಾಯಿಟ್ ಬುಲ್ಲಿತ ಮನ್ಹುನ್ ಪೌಲ್ ತ್ಯನಾ ಸುಡುನ್ ಇಸ್ವಾಸ್ ನಸ್‌ಲ್ಯಾಲ್ಯಾನಾ ಆಪ್ಲಿ ಸಂಗ ಗಿಹುನ್ ಗೆಲಾ ಆನಿ ಖಾಯಿಮ್ ತ್ಯನಾ ತುರನ್ ಮಂಥ್ಯಾಲ್ಯಾ ತರ್ಕಸಾಳತ್ ನಿಹುನ್ ತ್ಯಂಚಿ ಸಂಗ ಚರ್ಚಾ ಕರಿತಾ. 10 ಹ್ಯ ದೊನ್ ವರ್ಸಾಪರೆತ್ ಚಾ಼ಲ್ಲ ಮನ್ಹುನ್ ಆಶಾ ಸೀಮತ್ ಆಸ್‍ಲ್ಯಾಲ್ಯಾ ಸಗ್‍ಳ್ಯಾ ಯೆಹುದ್ಯಾಚಾಂನಿ, ಆನಿ ಯಹುದಿ ನಸ್‍ಲ್ಯಾಲ್ಯಾಂಚಾನಿ, ಪ್ರಭುಚಾ ವಾಕ್ಯಾ ಐಕ್‍ಲ್ಯಾ.

ಸ್ಕೆವಾಚ಼ ಲ್ಯಾಕ್

11 ದೇವ್ ಪೌಲಾಚಾ ಹಾತಾನಿ ಖುಬ್ ಮುಟ್ಟಿ ಕಾಮ ಕರಿತಾ, 12 ಮನ್ಹುನ್ ಪೌಲಾಚಾ ಹಾತಾತ್ಲಾ ಟವಲ್ ಆನಿ ಕಪ್ಡ ಆನ್ಹುನ್ ಲೊಕ್ ಸೀಕ್ ಪಡ್‌ಲ್ಯಾಲ್ಯಾಂಚಿವ ಗ್ಯಾಲ್ಥಾನಾ ತೀ ಬರಿ ವ್ಹಯಿತಿತ ಆನಿ ಲಾಗಿರ ತ್ಯನಾ ಸುಡುನ್ ಜಾ಼ಯಿತಿತ. 13 ಲಾಗಿರ ಸುಡಿವ್ನಾರ ಮನ್ಹುನ್ ಗಿಹಿತ್, ಫಿರ್‌ತ್ಯಾಲ ಥೊಡಜಾ಼ನ್ ಯಹುದಿ ಲಾಗಿರಾನಾ; "ಪೌಲ್ ಸಾಂಗ್‍ತ್ಯಾಲ್ಯಾ ಯೇಸುಚಿ ಆಜ್ಞೆ ದೆತೊ" ಮನ್ಹಿತ್ ಪ್ರಭು ಯೇಸು ಕ್ರಿಸ್ತಾಚ಼ ನಾವ್ ಗಿಯಾಲಾಗ್ಲ. 14 ಯೊಕ್ ಯಹುದಿ ಮೊಟಾಯಾಜಕ್ ಸ್ಕೇವ ಮಂತ್ಯಾಲ್ಯಾಚ಼ ಸಾತ್ ಜಾ಼ನ್ ಲ್ಯಾಕ್ ತಸಸ್ ಕರಿತ.

15 ಫನ್ ಲಾಗಿರ್ ತ್ಯನಾ; "ಯೇಸುಚಿ಼ ವಳಕ್ ಮನಾ ಹಾ, ಪೌಲಾಚಿ ವಳಕ್ ಹಾ, ಫನ್ ತುಮಿ ಕೊನ್? ಮನ್ಹುನ್ ಇಚಾರ್ತ;

16 ಆನಿ ಲಾಗಿರ ಲಾಗ್‍ಲ್ಯಾಲ್ಯಾ ತ್ಯಾ ಮಾನ್ಸಾನಿ ತ್ಯಂಚಿವ ಉಡಿಮಾರುನ್, ಹಾರ್ವುನ್ ದುಕ್ ಕರುನ್ ತ್ಯಂಚ಼ ಕಪ್ಡ ಫ್ಯಾಟ್ಲ ತವಾ ತೆ ತ್ಯಾ ಗರ‍್ಹಾತ್ನಿ ಪಳುನ್ ಗೆಲ. 17 ಹೀ ಗ್ಯೊಸ್ಟ ಎಫೆಸಾತ್ ಆಸ್‍ಲ್ಯಾಲ್ಯಾ ಸಗ್‍ಳ್ಯಾ ಯೆಹುದ್ಯಾನಾ, ಯಹುದಿ ನಸಲ್ಯಾಲ್ಯಾನಾ ಸಮಾಜ್ಲಿ ತವಾ ತೀ ಸಗ್ಳಿ ಬಿಹ್ಯಾಲಿತ. ಆನಿ ಪ್ರಭು ಯೆಸುಚಾ ನಾವಾಲಾ ಖುಬ್ ಮರ‍್ಯಾದ್ ದಿಲಿ. 18 ತ್ಯಂಚಿವ ಇಸ್ವಾಸ್ ಥೆವ್‍ಲ್ಯಾಲಿ ಖುಬ್ಜ಼ನ ಯವುನ್ ಆಪ್ನು ಕೆಲ್ಯಾಲಿ ಚು಼ಕಿಚಿ ಕಾಮ ಸಗ್‍ಳ್ಯಾಂಚೆ ಮೊರ‍್ಹ ಸಾಂಗಾಯಾ ಲಾಗ್ಲಿತ. 19 ಯವ್ಡಸ್ ನವ್ಹ ಘಾಡ್ಫನ್ ಕರ್ತ್ಯಾಲ್ಯಾತ್ ಖುಬ್ಜ಼ನಾಂಚಾನಿ ಆಪ್ಲಿ ಘಾಡ್ಫನಾಚಿ಼ ಪುಸ್ತಕ ಆನುನ್, ಗೊಳಾ ಕರುನ್ ಸಗ್‍ಳ್ಯಾಂಚೆ ಮೊರ‍್ಹ ಜಾಳ್ಳಿತ. ತ್ಯಂಚಿ ಕಿಮ್ಮತ್ ಲೆಖಾ ಕಿಲಿತಿ ಪನಾಸ್ ಹಾಜಾ಼ರ್ ಚಾ಼ಂದಿಚಾ ಆನ್ಯಾ ಇತ್ಕಿ ಜಾ಼ಲ್ತಿ. 20 ಹ್ಯೆ ತರನಿ ಪ್ರಭುಚಿ಼ ವಾಕ್ಯಾ ಪಗಾಳಿ ಆನಿ ಖುಬ್ ಬಳ್ಕಾಟ್ಲಿ.

ಎಫೆಸಾ ಪೆಠತ್ ದಂಗಾ

21 ಹ್ಯಾ ಖನ್ಕತಿ ಸಗಳ್ಯಾ ಜಾ಼ಲ್ಯಾ ನಂತರ್ ಪೌಲ್ ಆಪ್ನು ಮಕೆದೊನ್ಯಾತ್ನಿ, ಅಖಾಯಾತ್ನಿ ಪಿರತ್ ಯೆರುಸಲೇಮಿತ್ ಜಾ಼ಯಾವ್ಹಯಿ ಮನ್ಹುನ್ ಮನಾತ್ ಯವಜು಼ನ್; "ತಿಥಗೆಲ್ಯಾ ನಂತರ್ ರೊಮಾಪುರ್ಸಾಹಿತ ಬಗಾಯಾವ್ಹಯಿ" ಮನ್ಹುನ್ ಸಾಂಗ್ತೊ. 22 ಫನ್ ತ್ಯೊ ಆಪಲ ಸೇವಕ್ ಜಾ಼ಲ್ಯಾಲ್ಯಾ ತಿಮೊಥೆಲಾ ಆನಿ ಎರಸ್ತನಾಲಾ ಮಕೆದೊನ್ಯಾತ್ ಲಾವುನ್ ದಿವುನ್ ಆಪ್ನು ಆಶಾಸೀಮತ್ ಥೊಡದಿಸ್ ರಾಯ್ಲಾ.

23 ತ್ಯಾ ಕಾಲಾತ್ ಎಪೆಸಾತ್ ಪ್ರಭುಚೆ ವಾಟಚೆ ಗುಸ್ಟಿತ್ ಖುಬ್ ದಂಗಾ ಉಟ್ಲಾ. 24 ಕಸಾ ಮಂಜೆ, ದೇಮೇತ್ರಿ ಮಂತ್ಯಾಲಾ ಯೊಕ್ ಸೊನಾರ್ ಚಾ಼ಂದಿನಿ ಅರ್ತೆಮೀ ದಿವಿಚಾ ದೇವ್ಳಾಚೆ಼ಗತ್ ಬಾರಿಕ್ ಬಾರಿಕ್ ದೇವ್ಳ ಕರಿತಾ ಆನಿ ತ್ಯಚಾ ಕಾಮ್ಯಾರ‍್ಯಾನಾ ಖುಬ್ ಪ್ಯಾಯ್ದಾ ವ್ಹಯಿತಾ. 25 ತ್ಯೊ ತ್ಯನಾ ಆನಿ ತ್ಯಾ ಕಾಮಾಲಾ ಸಮನ್ ಆಸಲ್ಯಾಲ್ಯಾ ಕಾಮ್ಯಾರ‍್ಯಾನಾ ಯಕಿಕ್ಡ ಹಾಕ್ಟುನ್; "ಲೊಕಾನು, ಹ್ಯಾ ಕಾಮಾನಿ ಆಮಿ ಸಾವ್ಕಾರ್ ವ್ಹತ್ಯಾವ್ ತ್ಯ ತುಮಾನಾ ಠಾವಹಾ. 26 ಫನ್ ಹಾತಾನಿ ಕೆಲ್ಯಾಲಿ ಹಿ ಪಾಶಾನ ದ್ಯಾವ್ ನವ್ಹತ ಮನ್ಹುನ್ ತ್ಯಾ ಪೌಲಾನಿ ಸಾಂಗುನ್ ಎಫೆಸಾತ್ ತ್ಯವ್ಡಸ್ ನವ್ಹ ಜ಼ವಳ್ ಜ಼ವಳ್ ಆಶಾ ಸೀಮತ್ ಸಗ್ಳಿಕ್ಡ ಖುಬ್ ಲೊಕಾನಾ ಗೊಂದ್ಳಾತ್ ಗಾಲುನ್ ಪರತ್‍ಲ್ಯಾತ ತ್ಯ ತುಮಿ ಬಗ್‍ತ್ಯಾಸಾ, ಐಕ್‍ತ್ಯಾಸಾ. 27 ಹ್ಯನಿ ಆಮ್ಚಾ ದಂದ್ಯಾಲಾ ದೊಕಾ ಹಾ ಆನಿ ಅರ್ತೆಮೀ ಮೊಟೆ ದೀವಿಚ಼ ದಿವುಳ್ ಲೆಖ್ಯಾತ್ ಯವುನಾಹಿ ಆಸ, ಸಗ್ಳೆ ಆಶಾ ಸೀಮತ್, ಸಗ್ಳಿ ದುನ್ಯಾ ಪುಜ಼ತ್ಯಾಲೆ ಹ್ಯೆ ದೆವಿಚಾ ಮಹತ್ವಾಲಾ ದೊಕಾ ವ್ಹನಾರ್" ಮನ್ಲಾ.

28 ತ್ಯಂಚಾನಿ ಹ್ಯಾ ಬೊಲ್ಯಾ ಐಕುನ್ ರಾಗ್ ಕರುನ್; "ಎಫೆಸಾಚೆ ಅರ್ತೆಮೀ ದೇವಿ ಮೊಟಿದೇವಿ" ಮನ್ಹುನ್ ಅರ್ಬಾಟ್ ಕರ್ತ್ಯಾತ. 29 ತವಾ ಗಾವಾತ್ ಗೊಂದೊಳ್ ಬರ‍್ಲಾ ಪ್ರಯಾನಾತ್ ಪೌಲಾಲಾ ಸಂಗಚ಼ ಮಕೆದೊನ್ಯಾಚಾ ಗಾಯೊಸಾಲಾ ಅರಿಸ್ತಾರ್ಕನಾಲಾ ಲೊಕಾಂಚಾನಿ ದರುನ್ ಸಬಾಭವನಾತ್ ಬರ್ಲಿತ. 30 ಪೌಲ್ ಲೊಕಾತ್ನಿ ಬರಾಯಾವ್ಹಯಿ ಮಂತಾನಾ ಇಸ್ವಾಸಿಂಚಾನಿ ತ್ಯಲಾ ಶೊಡ್ಲಾನಾಹಿ. 31 ಯವ್ಡಸ್ ನವ್ಹ ಆಶಾಸೀಮಚ಼ ಅಧಿಕಾರ‍್ಯಾತ್ಲ ಥೊಡಜಾ಼ನ್ ಪೌಲಾಚ಼ ಸುಪ್ತಿ ಜಾ಼ಲ್ತ ಮನ್ಹುನ್ ತ್ಯಂಚಿಪ ಲೊಕಾನಾ ಲಾವುನ್ ದಿವುನ್; ತು ಸಬಾಭವನಾತ್ ಜಾ಼ವುನಕೊ ಮನ್ಹುನ್ ಮಂಥ್ಯಾತ. 32 ಜ಼ಮ್‍ಲ್ಯಾಲ್ಯಾ ಲೊಕಾತ್ ಗೊಂದೊಳ್ ಉಟ್ಲಾ ಹುತಾ, ಥುಡಿ ಯೆಕ್ ತರನಿ ವರಾಡ್ಲಿತ ಆನಿ ಥುಡಿ ಆನಿ ಯೆಕ್ ತರನಿ ವರಾಡ್ಲಿತ. ಖುಬ್ ಲೊಕಾನಾ ಆಪ್ನು ತಿಥ ಕಶಾಲಾ ಜ಼ಮ್‍ಲ್ಯಾವ್ ಮನ್ಹುನ್ ಠಾವ ನವ್ಥ. 33 ಯೆಹುದ್ಯಿ ಅಲೆಕ್ಸಾಂದ್ರಲಾ ಮೊರ‍್ಹ ಜಾ಼ಯಾ, ಹಿಂಡಾತ್‍ಲ್ಯಾ ಥೊಡ್ಯಾಂಚಾನಿ ತ್ಯಲಾ ಸುಸ್ನಾ ದಿಲಿ. ತವಾ ಅಲೆಕ್ಸಾಂದರ್ ಹಾತಾಚೆ ಖುನನಿ ಗಪ್ಕರುನ್ ಜ಼ಮ್‍ಲ್ಯಾಲ್ಯಾನಾ ಆಪ್ಲೆ ಸಾಟಿ ಲೊಕಾನಾ ಸಾಂಗಾಯಾ ಲಾಗ್ಲಾ. 34 ಫನ್ ತ್ಯೊ ಯೆಹುದ್ಯಿ ಮನ್ಹುನ್ ಸಮಾಜ಼್ಲ ತವಾ ಸಗ್ಳಿ ಎಕುಸ್ ತರನಿ; "ಎಫೆಸಾತ್ಲಿ ಅರ್ತೆಮೀ ದೀವಿ ಮೊಟಿ ದೀವಿ" ಮನ್ಹುನ್ ದೊನ್ ತಾಸ್ ವರಾಡ್ಲಿತ.

35 ಮಂಗ್ ಪೆಠಚಾ ಮೆಟ್ಯಾನಿ ಲೊಕಾಚಾ ಹಿಂಡಾಲಾ ಗಪ್ ಕರುನ್; "ಎಫೆಸಾತಲ್ಯಾನು, ಎಫೆಸ ಪೆಠತ್ಲೆ ಅರ್ತೆಮೀ ಮೊಟೆ ದೀವಿಚಾ ದೇವ್ಳಾಲಾ, ಆಬ್ಳಾತ್ನಿ ಪಡ್‍ಲ್ಯಾಲ್ಯಾ ತಿಚಾ ಪಾಶಾನಾಲಾ, ರ‍್ಯಾಕ್ನಾರಿ ಎಪೆಸಾ ಪ್ಯಾಠುಸ್ ಮನ್ಹುನ್ ಸಮಾಜ಼್ಲ ನಸ್‍ಲ್ಯಾಲಾ ಮಾನುಸ್ ಕೊನ್ ಹಾ? 36 ಹ್ಯಾ ಗುಸ್ಟಿ ನವ್ಹ ಮನಾಯಾ ಕುನಾಲಾಸ್ ವ್ಹಯಿತ್ನಾಹಿ ಮನ್ಹುನ್ ತುಮಿ ಥಂಡ್ಪನಾನಿ ರಾಯಾವ್ಹಯಿಸಾ; ಆನಿ ಗಾಹಿನಿ ಕಾಯ್ ಕರುನಕೊಸಾ. 37 ತುಮಿ ದರುನ್ ಆನ್‍ಲ್ಯಾಲ ಹೆ ಮಾನುಸ್ ದೇವ್ಳ ಚೊರ್ನಾರ ನವ್ಹತ, ಆಮ್ಚೆ ದೀವಿಚಿ ನಿಂದಾ ಕರ್ನಾರಬಿ ನವ್ಹತ. 38 ಆಸ ಆಸ್ತಾನಾ ದೇಮೇತ್ರಿಯಾ ಸಂಗ ಆಸ್‍ಲ್ಯಾಲ್ಯಾನಾ ಕುನಾವತರಿ ತಕ್ರಾರ್ ಆಸ್ಲಾತ ನ್ಯಾಯಿ ನಿವಡ್ನಾರ ಅಧಿಪತಿ ಹಾತ್ತ, ತಿಥ ಯಕಾ ಮಕಾವ ಆರೊಪ್ ಕರುನ್ತ. 39 ಕಾಯ್ತರಿ ಖುಬ್ ಇಚಾರ್ ಕರಾಯಾ ವ್ಹಯಿತ ತ್ಯೊ ನೀಯತಿನಿ ಜ಼ಮಲ್ಯಾಲೆ ಸಬೆತ್ ತಿರ್ಮಾನ್ ವ್ಹಯಾವ್ಹಯಿ. 40 ಹ್ಯಾ ದಿಸಾತ್ ಶಾರ್ಕ ಕಾರನ್ ನಸ್ತಾನಾ ಜ಼ಮ್‍ಲ್ಯಾಲ್ಯಾ ಲೊಕಾಂಚೆ ಗುಸ್ಟಿತ್ ಹ್ಯೊ ಯೊಕ್ ದಂಗಾ ಮನ್ಹುನ್ ಆಮ್ಚಿವ ಚು಼ಕ್ ವಾವಾಯಾ ನೆವಾ ಗಾವ್ನಾರ್. ಹ್ಯಾ ದಂಗ್ಯಾಚಾ಼ ಇಚಾರ್ ಕೆಲ್ಯಾವ ಆಮ್ಚಿಪ್ನಿ ಉತ್ತರ್ ದಿಯಾ ವ್ಹಯಿತುಸ್ ನಾಹಿ" ಮನ್ಲಾ. 41 ಹ್ಯಾ ಬೊಲ್ಯಾ ಸಾಂಗುನ್ ಜ಼ಮ್‍ಲ್ಯಾಲ್ಯಾ ಲೊಕಾನಾ ಲಾವುನ್ ದಿಲಿತ.