1 वा रात खे क्षयर्ष राजा की नींद नी अइ, येकालिये ओकी आज्ञा से इतिहास कि किताब लाइ गइ, अरु पढीखे राजा खे सुनय गइ. 2 ओमे यो लिख्यो मिल्यो, कि जब राजा क्षयर्ष का शासकहोन जो राजभवन का दरवाजा पर द्वारपाल करनवाला भी था, ओमे से बिकतान अरु तेरेश नामका दो जन ने ओखे मारन कि इन्सान करी थी ओखे मोर्दकै ने प्रगत कऱ्यो थो. 3 तब राजा ने पुछ्यो, "यैका बदल मे मोर्दकै खे प्रतिष्ठा अरु बडय करी गइ?" राजा का दासहोन ओकी सेवा करनवाला था, उन्हे ओखे उत्तर दियो "ओका लिये कुछ नी कऱ्यो गयो." 4 राजा ने पुछ्यो, "अंगन मे कोन हइ" उही टेम हामान राजा का भवन से बाहेर अंगन मे यो मनसा से आयो थो कि जो खम्भो ओने मोर्दकै का लिये तयार कऱ्यो थो, ओका पर ओखे लटय देन कि बात राजा से करी 5 तब राजा का दासहोन ने ओका से बोल्यो, "अंगन मे उ हामान खडो हइ," राजा ने बोल्यो, "ओखे अंदर बुलयखे लिखे आ." 6 जब हामान अंदर आयो, तब राजा ने ओका से पुछ्यो, "जो दुनियाहोन को घमण्ड राजा करनो चास हइ ते ओका लिये का करना मे उचित हुये?" हामान यो सोचीखे, कि मरा से जादा राजा कोको सम्मान करनो चास हइ, 7 राजा खे उत्तर दियो, "जो दुनियाहोन का लिये हामान राजा सम्मान करनो चास, 8 ओका लिये राजकिय कपडा लाया जाय, जो राजा पेनस हइ, अरु एक घोडो भी, जेका पर राजा बेठ्यो हइ, अरु ओका माथा पर जो राजकिय पडली ऱ्हेस हइ उ भी लायो जाय." 9 फिर वे कपडा, अरु उ घोडो राजा का कोय बडा शासक खे सोपी जाये, अरु जेकी प्रतिष्ठ राजा करनो चास हइ, ओखे वे कपडा पेयन दे अरु उ घोडा पर बठीखे, नगर का चौक मे ओखे घुमयो जाये, अरु ओका सामने-सामने यो प्रचार कऱ्यो जाये, जेकी प्रतिष्ठा राजा करनो चास हइ: "ओका साय असो ही कऱ्यो जाये." 10 राजा ने हामान खे बोल्यो, जसो तोने बोल्यो ओका अनुसार वे कपडा अरु उ घोडो लिखे, उ यहुदी मोर्दकै से जो राजभवन का दरवाजा पर बठ्यो ऱ्हेस हइ, असो ही कर, जसो तोने बोल्यो असो ही कुछ कम नी होनु. 11 तब हामान वे कपडा, अरु उ घोडा खे लिखे, मोर्दकै खे पेनान, अरु ओखे घोडो पर चेडयखे नगर का चौक मे यो प्रकार बुलातो हुयो घुमायो, "जेकी सम्मान राजा करनो चास ओका सात असो ही कऱ्यो जाये." 12 तब मोर्दकै ते राजभवन का दरवाजा से वापस गयो परन्तु हामान उदास हुइखे अरु माथो झुकयखे झट से अपना घर मे चली गयो. 13 हामान ने अपनी लुगेन जेरेश अरु ओका दोस्तहोन खे सब कुछ जो ओका सात हुयो वर्णन कऱ्यो, तब ओका डिमाकवाला दोस्त अरु ओकी लुगेन जेरेश ओका से बोल्यो, "मोर्दकै जेखे तु निचो बतानो चास हइ, अगर उ यहुदिहोन को कुल मे से हइ, तब तरी जित हुये असो नी हुये, तु हरी जाये यो सच हइ."

14 वे ओका सात बात ही करतो थो राजा का दासहोन अयखे हामान खे एस्तर ने दियो खाना का लिये बुलयखे लिखे गयो.