1 यहुदा का तरफ से जो यीशु मसीह का सेवक अरु याकूब को भैइ हइ

उनखे बुलायो हुया को नाम जे परमेश्वर बाप मे प्रिय अरु यीशु मसीहा का लिये सुरक्षित हइ.✝1: मत्ती 13:55; मरकुस 6:3

2 दया अरु शांती, अरु प्रेम तुमखे भोतायत से मील्हे होस र्हिये.

3 हे प्रिय दोस्तहोन, जब मी तुमखे वा उध्दार का बारे मे लिखना मे भोत मेहनत से कोशीस करी रो थो जेमे हम सब मीलि खे हइ, ते मेने तुम खे लिखनो अरु प्रोत्साहित करण कि जरुरत मैसुस कर्यो कि तुम उ विश्वास का लिये कोशिश करता र्हेनु जेखे परमेश्वर ने अपना दुन्याहोन खे दियो हइ. 4 क्युकि कत्ता असो इन्सान चुपचाप से हमारा पंचायत मे अय मील्या हइ, वे दुन्याहोन को दण्ड का बारे मे शास्त्रहोन ने भोत पइले से लिख्यो गयो थो. ये दुन्या भक्तिहीन हइ, अरु हमारो परमेश्वर को अनुग्रह खे दुन्याहोन ने परमेश्वर का अनैतिक रस्ताहोन को बहानो बनइ डाल्यो हइ, तथा असो हमारो प्रभु यीशु मसीह एकमात्र स्वामी अरु प्रभु ओखे इन्कार करस हइ.

5 पर मंनजे तुम सब बात एक बार जानी गा हइ, तेभी मी तुमखे या बात की याद दिलानु चाउस हइ कि प्रभु ने इस्राएल खे मीस्र देस से छुडाना का बाद विश्वास नी लान आला खे खतम करी दियो.✝1:5 निर्गमन 12:51; गिनती 14:29; 30 6 तुम खे यो भी याद दिलानु चाउस हइ जो स्वर्गदूत ने अपनी सत्ता खे बन्य खे नी रखी सक्या पन अपना नीज नीवास खे त्यागी दियो, ओने उनकी भी वा कठीन दिन खे न्याय का लिये अंन्धारा मे जो सदाकाल का लिये हइ, बन्धनहोन मे रख्यो हइ. 7 जेका रीति से सदोम अरु गमोरा अरु उनका आस पास का नगर खे जो स्वर्गदूतहोन का जसा व्यभिचारी हुइ गया था अरु अनैतिक बुरा काम का पीछे लगी गया था, अंगार खे अनन्त दण्ड मे पडी खे तुम खे यो भी याद दिलानो चाउस हइ जो दूतहोन ने अपनी सत्ता खे बन्य खे नी रखी सक्ये पन अपनो नीजी नीवास खे त्यागी दियो, ओने उनकी भी वा कठिन दिन को न्याय का लिये अंन्धारा मे जो सदा काल का लिये हइ, बन्धनहोन मे रख्यो हइ चेतावनी ठैर्यो हइ✝1:7 उत्पत्ति 19:1-24.

8 वा रीति से या स्वप्नदर्शी भी अपना-अपना आंग कि अशुध्द करस, अरु प्रभुता खे तुच्छ जानस हइ, अरु उचो पद आला खे बुरा भला बोलस हइ. 9 पन प्रधान स्वर्गदूत मीखाइल ने जब सैतान से मूसा खे मर्या आंग का बारे मे वाद-विवाद कर्यो, ते ओखे बुरो-भलो बोली खे मीखाइल ने दोष लगाता हुये अपमान जनक बोलन कि हिम्मंत नी कर्यो लेकिन बोल्यो, "प्रभु तोखे डाट्ये✝1:9 दानिएल 10:13,21; 12:1; प्रकाशन 12:7." 10 पन ये दुन्या वा बातहोन कि आलोचना करस हइ जिनखे यो समझे हि नी ये दुन्या बुध्दि हीन जनवरहोन का जसा जो बातहोन से सरल रीति से परिचीत हइ ये बातहोन या हइ जेका से उनको नाश होन आलो हइ. 11 उन पर हाय! क्युकि वे कैन की जसी चाल चल्ये अरु मजुरी का लिये बिलाम का जसा भ्रष्ट हुइ गा हइ, अरु कोरह का, जसा विरोध करीखे खतम हुया हइ✝1:11 उत्पत्ति 4:3-8; गिनती 22:1-35. 12 ये दुन्या तुम्हारो सात प्रिती भोज मे घातक हइ वे लुकी हुइ चट्टन का जसा हइ वे सीर्फ अपना मेय स्वार्थी, हि चिन्ता करस हइ. वे बिना पानी का बद्दल का जसा हइ, वे पतझड को असो झाड हइ कि जिन पर फल नी आयो वे दोबार मर्या हुया हइ, उनका जड से उखाडि जै चुक्या हइ. 13 उ संमुद्र को भैयानक लाटहोन जसी हइ जो अपना लाज पुरो कार्यहोन खे फेस देखते र्हेस हइ, वे भटकता तारा जसी र्हेस हइ, जिन का लिये परमेश्वर ने पिडमपिडि का लिये घोर अन्धारो रख्यो हइ.

14 हनोक ने भी जो आदम से सातवीं पीडी मे थो, इन का बारे मे या भविष्यव्दाणी करी, "देखनु, प्रभु अपना हजारो पवित्र स्वर्गदूतहोन का साथ आयो✝1:14 उत्पत्ति 5:18-21-24 15 कि सब को न्याय कर्ये, अरु सब की भक्तिहीनहोन खे उनकी अभक्ति का सब काम होन का बारे मे जो उनने भक्तिहीन कऱ्यो हुइ, कर्यो हइ, अरु उन सब कठोर बातहोन का बारे मे जो भक्तिहीन पापीहोन ने उनका विरोध मे बोल्यो हइ, दोषी ठैहराए,"

16 ये दुन्या चुगल खोर अरु दुसरा पर दोष लगान आला हइ, ये दुन्या अपना मे बुरी लालचहोन पर चलन आला हइ उ अपना बारे मे अहेमर करस हइ, अरु अपना लोभी का लिये दुसरा की चापलुसी करस हइ.

17 पर हे प्रिय दोस्त, तुम वा बातहोन खे याद रखनु जो हमारो प्रभु यीशु मसीह का प्रेरित पइले बोली चुक्या हइ. 18 वे तुम से बोल्या करता था अन्त का दिनहोन मे असा दुन्या प्रगट हुये जो करण आला हुये वे दुन्या अपनी अभक्ती की बुरी लालसा का जसो चल्ये✝1:18 2 पतरस 3:3. 19 ये वे हइ जो फुट डालस हइ. वे उनका आंग कि इच्छाहोन खे नीयत्रन मे हइ, जेका पास आत्मा नी हइ. 20 पर हे प्रिय, तुम अपना अति पवित्र विश्वास मे उन्नती करता हुये अरु पवित्र आत्मा मे प्रार्थना करता हुया. 21 अपना आप खे परमेश्वर का प्रेम मे बनय खे रखनु. अरु अनन्त जिवन का लिये हमारा प्रभु यीशु मसीह कि दया कि रस्ता देखते र्हेनु.

22 उन पर जो शंका मे हइ दया करणु. 23 अरु भोतझन खे अंगार मे से झपटी खे नीकालनु. अरु भोतझन पर डर का साथ दया करणु, पर उ कुर्ता से भी घृणा करणु जिन पर पाप पुरा मेत को धब्बा लग्या हुया हइ.

24 अब ओका प्रती जो तुमखे गीरना से बचैइ सकस हइ, अरु अपनी महिमा मय उपस्तिथी मे नीर्दोष करीखे खडा करी सकस हइ, 25 उ एकमात्र परमेश्वर हमारा उद्धारकर्ता की महिमा अरु गौरव अरु पराक्रम अरु अधिकार खे हमारा प्रभु यीशु मसीह का वजेसे जसो जगत काल से हइ, अब भी हुये अरु पिडमपिडि र्हिये. आमेन.