लूका 7

विधवा, बेटा को जिवन दान

11 थोडा दिन का बाद व्हा नाइन नाम को एक गाव खे गयो. अरु वोको सेवक अरु बडी गर्दी वोका सात जय री थी. 12 तब व्हा गाव कि फाटक का पास पहुचो. ते देख. दुन्या एक मुडदा खे बाहेर लिये जय रो थो. जो अपनी माय को येकलो बेटो थो. अरु वा विदवा थी अरु नगर का खुप दुन्या वोका सात थी. 13 वोखे देखी खे परमेश्वर खे दया अयी. अरु वो ने बोल्यो. मत रोय. 14 जब वो ने पास अयखे. अर्थी खे पकड्यो. अरु उठानआला रुखी गया. जब वो ने बोल्यो. हे जवान. मी तरा से बोल्युस. उट. 15 जब वु मुडदा उठी खे बठ्यो. अरु बोलन लग्यो अरु वो ने वोखे वो की माय खे दि दियो.

16 येमे से सब पर डर छय गयो. अरु वु परमेश्वर की महिमा करीखे बोलन लग्यो कि हमारा बीच मे एक बडो भविष्यव्दक्ता उठ्यो हइ. अरु परमेश्वर ने अपना दुन्या पर कृपा दुष्‍टि करी हइ.

17 अरु वोका बारेमे मे यो बात सब यहूदीया अरु आस पास का सब देस मे फैली गय.