João 6

O Isus parvarol pobut tare pandž milje manušen

1 Pale gova o Isus irisada pe ani Galileja thaj đelo ki istočno rig taro Galilejsko more, savo akhardol i Tiverijadsko more. 2 Pale leste đele but manuša, golese so dikhlje e čudesna znakura save ćerda pe nasvale manuša. 3 O Isus đelo upre ko brego thaj gothe bešlo pe sikadencar. 4 Sasa paše i Pasha, o prazniko e Jevrejengo.

5 Kana vazdija o Isus pe jakha thaj dikhlja kaj aven paše leste but manuša, pučlja e Filipe: "Kaj šaj te ćina mangro kale manušenđe te xan?"

6 Kava pučlja te bi iskušila le, golese so već džanglja so ka ćerol.

7 O Filip vaćarda lese: "Ni dujšel (200) srebrnjakura ne bi avola dovoljno savore te xan mangro bar zala."

8 Vaćarda lese aver tare lese sikade, o Andrija, o phral e Simoneso e Petreso: 9 "Kate isi amen jekh čhavoro kas isi pandž mangre taro ječam thaj duj cikne mačhe. Al so si gova baše gaći manuša!"

10 O Isus phenda: "Vaćaren e manušenđe te bešen!"

Ke gova than sasa but čar thaj e manuša gothe bešle. Sesa paše pandž milja (5 000) murša.

11 Tegani o Isus lija kola mangre, zahvalisada e Devlese thaj dija e manušenđe save bešle gothe. Gija ćerda thaj e mačhencar, a savore xalje kobor manglje.

12 Kana čalile, o Isus vaćarda pe sikadenđe: "Ćiden e kotora so ačhile te ma čhudol pe." 13 Gija ćidije dešuduj (12) korpe so ačhile tare pandž ječmena mangre, save e manuša xalje.

14 Kana e manuša dikhlje o čudesno znako savo ćerda o Isus, vaćarde: "Kava si čače kova Proroko savo trubul te avol ke kava sveto!"