João 9

O Isus sastarol e kore manuše

1 Dži kaj o Isus nakhlo, dikhlja jekhe manuše savo sasa koro taro leso bijandipe.

2 Lese sikade pučlje le: "Rabbi! Ko ćerda greh pa bijandilo koro? Vov, il leso dad il lesi dej?"

3 O Isus vaćarda: "Naj koro golese so grešisada vov, il leso dad il lesi dej. Bijandilo koro te dićhol pe e Devlesi zor pe leste. 4 A dok si đive, amen mora te ćera e buća Kolese savo bičhalda man. Ka perol i rat, kana khoni našti ćerol bući. 5 Dok sem ko sveto, me sem svetlo e svetoso."

6 Kana vaćarda kava, čhungarda ki phuv thaj ćerda taro čhungaripe čik, thaj makhlja e čikasa e korese jakha.

7 Thaj vaćarda lese: "Dža thov tut ani banja Siloam." (Siloam značil "Bičhaldo".)

Gija kova manuš đelo thaj thoda pe thaj irisajlo ćhere dikhljindoj.