Matej 14

O Isus phirol po paj

22 Pale gova sigate, terisada o Isus pe sikaden te den ano čamco thaj te džan angle leste ki aver rig e jezerosi, dži kaj vov mućhol e manušen te džan pe dromesa. 23 Kana mukhlja e manušen, uštilo ko brego te avol korkoro te molil pe. Thaj ki rat gothe sasa korkoro. 24 A o čamco e sikadencar sasa dur tari obala thaj e talasura čalade ano čamco, golese so premal leste phurdija bari balval.

25 A maškare trin em šov o sato sabalje, đelo o Isus premal lende phirindoj po paj. 26 Thaj kana dikhlje e sikade sar phirol po jezero premal lende, darajle thaj vaćarde: "Gova si omaja!" Darajle thaj lije te den vika.

27 A o Isus sigate phenda lenđe: "Šukar si! Me sem, ma daran!"

28 A o Petar vaćarda lese: "Gospode! Ako san tu, vaćar manđe te phirav po paj!"

29 A o Isus vaćarda lese: "Phir!" O Petar iklilo taro čamco thaj phirda po paj thaj đelo premalo Isus.

30 Al kana dikhlja i bari balval, darajlo thaj lija te properol ano paj thaj dija vika: "Gospode, pomoži manđe!"

31 Thaj sigate o Isus pružisada po va te dolol e Petre thaj vaćarda lese: "Sose gaći zala pača, sose sumnjisadan?"

32 Thaj kana dije ano čamco, i balval ačhili.

33 Kola save sesa ano čamco, pele ke pe koča thaj vaćarde: "Čače tu san o Čhavo e Devleso!"