1 A kana bijandilo o Isus ano Vitlejem ani regija i Judeja, ko vreme e caroso e Irodeso, gothe avile e mudrakura taro istok ano Jerusalim, 2 thaj pučlje: "Kaj si o jevrejsko caro savo tek bijandilo? Golese so dikhljam lesi čereni kaj iklili ko istok thaj aviljam te pera lese ke koča."

3 Kana gova šunda o caro o Irod, vov but uznemirisajlo thaj savore ano Jerusalim. 4 Golese akharda sa e bare sveštenikuren thaj e učiteljuren e narodose tare Mojsijaso zakon thaj pučlja len: "Kaj trubul te bijandol o Hrist?" 5 A von vaćarde lese: "Ano Vitlejem o Judejsko, golese so o proroko pisisada:

6 ‘A tu Vitlejeme, ani phuv e Judaći,

naj san nevažno maškar e Judejska thana,

golese so tutar ka ikljol vladari

savo ka inđarol pe manušen ano Izrael, sar o pastiri pe bakren.’"

7 Thaj o Irod čorale bičhalda te den vika e mudrakuren thaj pučlja len kana tačno iklili i čereni.

8 Tegani bičhalda len ano Vitlejem, vaćarindoj: "Džan tumen thaj pučen šukar bašo čhavoro. Kana ka araćhen le, aven vaćaren manđe, te džav i me te perav angle leste ke me koča."

9 Von šunde e caro thaj đele. Thaj akh, i čereni sava dikhlje sar ikljol đeli angle lende sa dži kaj ni ačhili upreder o than kaj sasa o čhavoro. 10 Kana dikhlje i čereni, sesa baxtale, a lenđe ile sesa pherde. 11 Đele andre ano ćher, dikhlje e čhavore thaj lesa sasa lesi dej i Marija. Pele tele ke pe koča thaj poklonisajle lese. Pale gova putarde pe kutije thaj dije le pe darura: zlato, tamjano thaj smirna. 12 Thaj ano suno upozorisada len o Dol te ma irin pe ko Irod, golese avere dromesa đele ani piri phuv.

13 Kana đele e mudrakura, dikh, avilo o anđelo e Gospodeso e Josifese ano suno thaj vaćarda lese: "Ušti, le e čhave thaj lese da, thaj naš ano Egipat thaj av odori dok me ni vaćarav tuće, golese so o Irod ka rodol e čhavore te mudarol le."

14 Vov uštilo goja rat lija e čhavore thaj lese da, thaj našlo ano Egipat. 15 Thaj odori ačhilo dži o meripe e Irodeso, te bi pherdola so o Gospod vaćarda prekalo proroko:

"Taro Egipat dijem vika me čhave."

16 Kana o Irod dikhlja so e mudrakura xoxade le, holajlo but thaj bičhalda e vojnikuren te mudaren ano Vitlejem thaj ane pašutne thana e muršane čhavoren dži e duj berš, palo vreme kana iklili i čereni tare savi dodžanglja tare mudrakura. 17 Gija pherdilo kova so vaćarda o proroko o Jeremija:

18 "O glaso ano foro Rama šundilo,

o rojipe thaj o kukipe baro.

Gova i Rahilja rovol pe čhavoren,

thaj našti te ačhol laći dukh,

golese so naj la vadži čhave."

19 A palo meripe e Irodeso, avilo o anđelo e Gospodeso e Josifese ano Egipat ko suno 20 thaj vaćarda lese: "Ušti, le e čhave thaj lese da, pa dža ani phuv i Izraelsko, golese so mule kola save manglje te mudaren e čhavore."

21 O Josif uštilo, lija e čhavore thaj lese da, pa avilo ani phuv i Izraelsko. 22 A kana o Josif šunda so o Arhelaj, o čhavo e Irodeso vladil ani Judeja umesto leso dad, darajlo te džal odori. Tegani ano suno upozorisada le o Dol, te džal ani phuv i Galilejsko. 23 Thaj kana avilo odori pe familijasa, ačhilo te bešol ano foro savo akhardola Nazaret. Gija pherdilo gova so e prorokura vaćarde: "Ka akharen e Hriste Nazarećanino."