1 A o Isus vadži vaćarda: "Ma sudin, te ma aven sudime. 2 Golese so o Dol ka sudil tumen sar so tumen sudin averen. Thaj save merasa ka merin averen, gasava merasa tumen ka meril o Dol.

3 Sose dićhe i treska ane će phralesi jakh, a o kaš ani ćiri jakh ni dićhe? 4 Thaj sar šaj vaćare će phralese: ‘Ačh te ikalav i treska tar ćiri jakh’, a dikh, ćiro kaš ani jakh si po baro. 5 Dujemujengo! Ikal angleder ćiro kaš andari ćiri jakh, tegani po šukar ka dićhe te ikale će phralese i treska andari jakh.

6 Ma den o svetipe e džuklenđe, golese so e džukle ka irin pe, pa ka pharaven tumen ke kotora! Thaj ma čhuden e bisera angle bale, te ma uštaven len."

7 O Isus vadži vaćarda: "Manđen thaj ka dol pe tumenđe! Roden thaj ka araćhen! Maren thaj ka putavol tumenđe! 8 Golese so savore save manđen, dol pe lenđe, save roden araćhen, save maren, putavol pe lenđe.

9 Ko tumendar pe čhavese ka dol bar kana bi rodola mangro? 10 A te manglja mačhe dal ka dol le sape? 11 Kana tumen, bišukar manuša, džanen šukaripe te den tumare čhaven, kobor tumaro Dad savo si ko nebo ka dol šukaripe pobut kolenđe save manđen lestar."

12 "Gija, sa so manđen e manuša te ćeren tumenđe, tumen ćeren lenđe, golese so gova si o sikajipe tare sa e Mojsijaso zakon thaj e lila save pisisade e prorokura."

13 O Isus vadži vaćarda: "Den ko tesno vudar! Golese so o bulo vudar thaj o bulo drom inđarol ano propast thaj but džene džan gole dromesa. 14 But si tesno o vudar thaj o drom savo inđarol ano džuvdipe thaj zala si gola save araćhen le!"

15 O Isus vadži vaćarda: "Araćhen tumen tare xoxavne prorokura, save aven urade ane bakresi morčhi, al andral ane ile si divlja ruva save manđen te xan tumen. 16 Palo lengo bijanipe ka pindžaren len. Dal tare kangre šaj ćide drakha il tare čičke šaj ćide smokve? 17 Ke gasavo način e lačhe kašta bijanen lačho bijanipe, a e bilačhe kašta bijanen bilačho bijanipe. 18 Našti e šukar kašta te bijanen bilačho bijanipe thaj bilačhe kašta te bijanen lačho bijanipe. 19 Gija, sa e kašta save ni bijanen lačho bijanipe, čhinen pe thaj čhuden pe ani jag. 20 Gijate, pale lengo bijanipe ka pindžaren e xoxavne prorokuren."

21 O Isus vadži vaćarda: "Ni ka dol dži jekh savo vaćarol ‘Gospode, Gospode’, ano Carstvo e neboso, nego ka den samo kola save šunen thaj ćeren o manglipe me Dadeso. 22 But ka vaćaren ane gova đive ko sudo: ‘Gospode, Gospode! Na li ane ćo alav prorokuisadam? Ćire alavesa e benđen ikaldam thaj ćire alavesa but čuda ćerdam?’ 23 I tegani me ka phenav lenđe: ‘Nikad ni džangljem tumen. Džan mandar tumen save phađen e Devleso zakon.’"

24 O Isus vadži vaćarda: "Golese, dži jekh savo šunol kala mingre lafura thaj ćerol len, vov si but džanglo, sar manuš savo ćerol po ćher ko temelji taro bar. 25 Golese kana perol o bršnd thaj aven e paja thaj phurden e balvalja thaj čalaven ane gova ćher, vov ni perol, golese so si o temelji po bar. 26 A dži jekh savo šunol kala mingre lafura, a ni ćerol len, vov si sar dilo manuš, savo ćerol po ćher pi pošik. 27 Golese kana perol o bršnd thaj aven e paja thaj phurden e balvalja thaj čalaven ane gova ćher thaj o ćher perol dži ko temelji."

28 Kana završisada kava vaćaripe o Isus, but manuša čudisajle so šunde leso sikajipe, 29 golese so sikada sar kova savo isi le zuralipe, a na sar e učitelja tare Mojsijaso zakon.