Mateus 15

O Isus parvarol pobut tare štar milje džene

32 O Isus akharda pe sikaden thaj phenda lenđe: "Žal manđe kale manušenđe golese so trin đive si kate paše mande thaj naj len so te xan. Ni mangav te mukhav len te džan bokhale te ma malaksin ko drom."

33 A e sikade vaćarde lese: "Kotar amenđe ke kava than gaći mangro te čaljon kala manuša?"

34 Thaj o Isus pučlja: "Kobor mangre isi tumen?"

A von vaćarde lese: "Efta mangre thaj zala mačhe."

35 A o Isus vaćarda e manušenđe te bešen ki phuv. 36 Lija kola efta mangre thaj e mačhen, dija hvala e Devlese, phaglja thaj dija pe sikadenđe a e sikade dije e manušenđe. 37 Savore xalje thaj čalile. E sikade pale gova lije so ačhilo thaj pherde efta bare korpe. 38 Xalje štar milje (4 000) murša, a gothe ni sesa đinde e džuvlja thaj e čhavore.