Mateus 18

O Isus vaćarol paramič taro bilačho manuš savo dugujil

21 Tegani avilo o Petar pašo Isus thaj vaćarda: "Gospode! Ako mo phral grešil premal mande, kobor droma te oprostiv lese? Dži efta droma li?"

22 O Isus lese vaćarda: "Ni vaćarav tuće samo efta, nego eftavardeš droma po efta.

23 Golese vaćarav kava, o Carstvo e neboso si sar caro savo manglja te ravnil po računo e manušencar save služisade le. 24 Kana lija te đinol, ande angle leste manuše savo dugujil lese deš milje (10 000) kese zlatosa. 25 Sar vov naštine te iril gola pare, o caro vaćarda te biknen le, lese romnja, lese čhaven thaj sa so sasa le, te bi poćinola o dugo.

26 O manuš savo služila le, pelo angle leste mujesa premali phuv thaj molisada le: ‘Ađućar man thaj sa ka poćinav tuće.’ 27 E carose pelo žal, oprostisada gole slugase o dugo thaj mukhlja le.

28 A kana iklilo o manuš savo služil, arakhlja pe amale, avere sluga, savo dugujisada lese šel grošura. Dolda le, lija te tasavol le thaj vaćarda lese: ‘Iri so duguji manđe!’ 29 Pelo leso amal, aver sluga, angle leste mujesa premali phuv thaj molisada le thaj vaćarda lese: ‘Ađućar man thaj ka poćinav tuće!’ 30 A vov ni manglja te ađućarol le, inđarda le thaj čhudija le ano phanglipe sa dok ni ka poćinol o dugo.

31 Kana kava dikhlje avera amala, avera sluge, uznemirisajle but. Đele thaj javisade e carose sa kava so dikhlje. 32 Tegani o caro leso dija vika e sluga kase oprostisada o dugo thaj vaćarda lese: ‘Bilačheja slugo! Sa o dugo me oprostisadem tuće, golese so molisadan ma. 33 Na li trubujan i tu te smilui tut ćire amalese, e slugase, sar me so smiluisaljem tuće?’ 34 O caro leso holajlo thaj dija le ke mučitelja sa dži kaj ni ka poćinol o dugo.

35 Gija i mo Dad ko nebo ka ćerol tumencar, ako ni ka oprostin tumare phralese andare tumare ile."