1 O Isus vadži vaćarda: "Tegani o Carstvo e neboso ka avol sar deš čheja save lije pe lampe thaj iklile anglo mladoženja. 2 Pandž sesa bigođaver a pandž gođaver. 3 E bigođaver lije e lampe al inđarde pesa zala ulje 4 a e gođaver lije pesa ulje ane čare pe lampencar. 5 A sar o mladoženja kasnisada, e čhejenđe jakha phanglile thaj gija zasute.

6 A ki opaš i rat šundilo: ‘Ek avol o mladoženja! Ikljen angle leste!’

7 Tegani uštile sa e čheja thaj lije te lačharen pe lampe.

8 E bigođaver čheja vaćarde e gođaverenđe: ‘Den amen zala ulje tumaro, golese so amare lampe ka ačhadon.’

9 A e gođavera čheja vaćarde lenđe: ‘Našti! Te ma bi ačhasa i amen i tumen, pošukar džan ke manuša save biknen thaj ćinen tumenđe ulje.’

10 A kana e bigođaver čheja đele te ćinen ulje, avilo o mladoženja thaj e čheja save sesa spremna đele lesa andre ko abav, a e vudara phanglile. 11 Posle avile i avera čheja vaćarindoj: ‘Gospodarona! Gospodarona! Putar amenđe!’

12 A o mladoženja phenda e bigođaverenđe: ‘Čače phenav tumenđe: Ni pindžarav tumen.’

13 Golese, aven džungade, kaj ni džanen o đive thaj o sato kana me, o Čhavo e manušeso, ka avav!"