O Isus sikavol te da taro ilo
1 O Isus vadži vaćarda: "Pazin te ma ćeren tumare buća taro pravednost angle manuša von te dićhen tumen thaj te divin pe tumenđe. Te ćerden kava, ni ka avol tumen plata ke tumaro Dad savo si ko nebo.
2 Golese kana de e čororenđe, ma galami angle tute, sar so ćeren e dujemujenđe ani sinagoga thaj pe droma te bi hvalina len e manuša. Čače vaćarav tumenđe, aver nagrada ni ka dobin sem goja tare manuša. 3 Thaj kana de e čororenđe, te ni džanol ćo levo va so ćerol o desno. 4 Gija te de e čororenđe garandoj thaj ćo Dad te dićhol kaj gova ćere čorale, a vov ka poćinol tuće."
O Isus sikavol e sikaden sar te molin pe
(Lk 11,2–4)
5 O Isus vadži vaćarda: "Thaj kana molin tumen, ma te aven sar kola dujemujenđe, save but manđen te ačhen ke sinagoge thaj ke anglune droma te molin pe thaj te dićhen len e manuša. Čače vaćarav tumenđe, aver nagrada ni ka dobin sem goja tare manuša. 6 A tu, kana moli tut, dža ani ći soba kaj ka ave korkoro, phande ćo vudar thaj moli tut će Devlese savo si ano garajipe thaj ćo Dad savo dićhol ano garajipe, ka poćinol tuće.
O Isus sikavol taro post
16 O Isus vadži vaćarda: "Thaj kana postin, ma aven sar e dujemujenđe so ćeren pe žalosna, golese so von ćeren žalosna muja te dićhen len e manuša kaj postin. Čače vaćarav tumenđe kaj aver nagrada ni ka dobin sem goja tare manuša. 17 Al tu kana posti, makh ćo šoro uljesa thaj thov ćo muj, 18 te ni dićhen e manuša kaj posti, nego samo ćiro Dad, savo si ano garajipe. Thaj ćo Dad savo dićhol ano garajipe, ka poćinol tuće."
O Isus sikavol taro barvalipe
(Lk 12,33–34)