Matej 7

O Isus sikavol amen te ma sudi averen

1 A o Isus vadži vaćarda: "Ma sudin, te ma aven sudime. 2 Golese so o Dol ka sudil tumen sar so tumen sudin averen. Thaj save merasa ka merin averen, gasava merasa tumen ka meril o Dol.

3 Sose dićhe i treska ane će phralesi jakh, a o kaš ani ćiri jakh ni dićhe? 4 Thaj sar šaj vaćare će phralese: ‘Ačh te ikalav i treska tar ćiri jakh’, a dikh, ćiro kaš ani jakh si po baro. 5 Dujemujengo! Ikal angleder ćiro kaš andari ćiri jakh, tegani po šukar ka dićhe te ikale će phralese i treska andari jakh.