Mateus 8

O Isus sastarol duje manušen, ane kaste si e benga

28 A kana avilo ki aver rig e jezerosi ani phuv i gadarinsko, arakhlje e Isuse duj manuša ane kaste sesa e bilačhe duxura, save ikljona andare limora. Sesa gaći opasna te naštine khoni te naćhol gole dromestar. 29 Gola duj džene dije vika: "So manđe amendar, Čhaveja e Devleso? Akari aviljan angleder o vreme te muči amen?"

30 A po dur lendar čarona pherdo bale. 31 Thaj e benga molisade e Isuse vaćarindoj: "Te tradijan amen, bičhal amen ane kola pherdo bale."

32 A o Isus vaćarda lenđe: "Džan!"

Thaj e benga iklile tare kala duj džene thaj đele ane bale. Thaj tari jekh drom sa e bale taro brego čhudije pe ano jezero thaj sa tasile. 33 A e manuša save araćhena e balen našle, avile ano foro thaj vaćarde sa so dikhlje odori thaj so sasa e manušencar ane save sesa e bilačhe duxura. 34 Thaj savore andaro foro avile pašo Isus, pa kana dikhlje le, molisade le te džal andaro lengo than.