Rimljanurenđe 13

Pokorna bašo vlast

1 Dži jekh manuš nek avol pokorno bašo vlast, golese so naj gova vlast savo ni čhuta o Dol. Kolen save si ko vlast, o Dol čhuta. 2 Golese, ko suprostavil pe bašo vlast, protivil pe baše gova so čhuta o Dol. Kola save protivin pe anen i osuda korkore pe peste. 3 Golese so kola so ćeren šukar buća ni trubun te daran kolendar so si ko vlast, nego kola so ćeren bilačhe trubul te daran. Te ni mangljan te dara taro vlast, ćer šukar thaj lendar ka avol tuće pohvala. 4 Kolen so si ko vlast dija amen o Dol te aven amenđe ko šukaripe. Al te ćerdan bilačhe, dara golese so von ni inđaren o mačo khančese. Von služin e Devle thaj si osvetnikura save anen e Devlesi holi pe kola save ćeren bilačhe. 5 Gija av kova savo trubul te pokoril pe, na samo baši Devlesi holi, nego i bašo ćiro savest.

6 Golese i poćinen e porezura, kaj si von e Devlese sluge save dije pestar sa paši goja bući. 7 Den dži jekhese so dugujin: Kase dugujin porez, den porez; kase carina, carina; kase poštujipe, poštujipe; kase čast, čast.