1 So šaj te vaćara, so o Avraam otkrijisada tari pač, amaro paradad palo telo? 2 Golese so, te sasa o Avraam opravdimo pe bućencar, bi avola le razlog sosa te hvalil pe, al na anglo Dol. 3 Golese o Sveto lil vaćarol: "O Avraam pačaja e Devlese thaj o Dol đinda lese leso pačajipe sar pravednost."

4 Kolese savo ćerol bući, ni đinol pe i plata sar poklon, nego sar dugo. 5 A kolese savo ni ćerol bući thaj pačal ano Dol savo opravdil e grešnikuren, lese o pačajipe đinol pe ano pravednost. 6 Gija o David o caro vaćarda kaj si blagoslovimo o manuš kase o Dol đinol o pravednost bizo obzir tare lese buća.

7 "Blagoslovime si kola

kase sesa oprostime e bilačhe buća

thaj kase grehura si učharde.

8 Blagoslovimo si kova

kase o Gospod ni đinol o greh."

9 Kava blagoslovipe si samo e obrezimenđe, il i e biobrezimenđe? Golese so vaćara kaj o Dol đinda e Avraamese leso pačajipe sar pravednost. 10 Kana sasa lese leso pačajipe đindo? Kana sasa obrezimo il biobrezimo? Na kana sasa obrezimo, nego kana vadži sasa biobrezimo. 11 Vov primisada o obrezipe sar znako, sar pečato taro pravednost savo dobisada pačajimasa vadži angleder kana ni sasa obrezimo. Golese si o Avraam duxovno dad sa kolenđe save pačan bizo obzir dal si obrezime il naj, savorenđe te đinol pe lengo pačajipe sar pravednost. 12 O Avraam si o dad na samo e obrezimengo nego i kolengo save džan pale lesi pač savi sikada kana vadži ni sasa obrezimo.

13 Golese so, o obećanje so o Dol dija e Avraamese il lese potomstvose kaj ka nasledil o sveto, ni avilo palo Zakon, nego palo pravednost savo si rezultat e pačajimaso. 14 Ako si e naslednikura kola save ićaren pe po Zakon, tegani o pačajipe si beznačajno thaj o obećanje ni vredil khanči. 15 Golese so, o Zakon izazivil e Devlesi holi ako phađol pe. Al te naj Zakon, naj ni prestup.

16 Gija si thaj e Devleso obećanje tari pač te bi e manuša prihvatina le sar daro taro Devleso milost thaj važil baše sa e Avraamese potomkura, na samo baše kola save si podložna e Zakonese, nego i baše kola save pačan sar o Avraam. Vov si dad savorenđe amenđe 17 sar so si pisimo ano Sveto lil: "Ćerdem tut dad bute narodurengo." Gova si čačipe anglo Dol ane savo pačaja o Avraam. Gova si Dol savo dol e mulen džuvdipe thaj kova so ni postojil pire lafesa ćerol te postojil.

18 Kana naj sasa e Avraame nada te avol le čhave, vov pačaja ani nada thaj postanisada dad bute manušengo, sar so sasa lese vaćardo: "Gaći but ka aven tut potomkura." 19 O Avraam šukar džanglja kaj nakhlo leso vreme kana šaj te avol le čhave golese so sasa le paše šel (100) berš. Džanglja so i Sara naštine te bijanol, al lesi pač ni peli. 20 Ađućarda kaj o Dol ka pherol po obećanje thaj ni sumnjisada, nego zurajlo ano pačajipe thaj hvalisada e Devle. 21 Sasa potpuno uverimo kaj o Dol šaj ćerol so obećisada. 22 Golese thaj "o Dol đinda lese leso pačajipe sar pravednost."

23 Al kova so sasa pisimo "đinda lese" ni sasa samo lese, 24 nego i amenđe. O Dol gija ka đinol i amenđe save pača ane Kova, savo vazdija tare mule e Isuse, amare Gospode. 25 Vov sasa predimo te merol baše amare grehura a uštilo tare mule te ava opravdime.