1 Tegani, akana kana sam opravdime e pačajimasa, amen sam ano mir e Devlesa palo amaro Gospod o Isus o Hrist. 2 Pačajimasa prekal leste isi amen pristup ane Devleso milost ane savo ačha. Raduji amen golese so isi amen nada kaj o Dol ka sikavol amenđe pi slava. 3 Thaj na samo gova, nego raduji amen kana sam ano bilačhipe, golese so džana kaj o bilačhipe zuravol amaro strpljenje, 4 o strpljenje zuravol o karakteri thaj taro karakteri zuravol i nada. 5 Thaj kaja nada ni ka razočaril amen golese so e Devleso manglipe thavdija ane amare ile palo Sveto Duxo, savo dobisadam.

6 Golese, o Hrist mulo baše bidevlikane ano pravo vreme, kana amen vadži sama duxovno slaba. 7 Pharo si khoni te dol piro džuvdipe te bi spasila avere manuše pa i te si gova manuš pravedno. Iako bašo but šukar manuš šaj bi neko manđola te merol. 8 Al o Dol sikavol po manglipe premal amende gija so o Hrist mulo amenđe vadži kana sama grešnikura.

9 Kobor pobut akana, kana sam opravdime lese ratesa, ka ava spasime tare Devlesi holi. 10 O Dol amencar mirisajlo palo meripe lese Čhaveso vadži kana sama e Devlese dušmanura, gija vadži pobut o Dol ka spasil amen ane Hristeso džuvdipe akana kana mirisaljam lesa. 11 A na samo gova, nego vadži pobut ka raduji amen ano Dol prekal amaro Gospod o Isus o Hrist, tare savo primisadam pomirenje.

12 Golese, o greh avilo ano sveto prekalo jekh manuš thaj prekalo greh avilo o meripe. Gijate o meripe nakhlo pe sa e manuša golese so savore grešisade.

13 O greh sasa ko sveto i angleder so avilo o Zakon, nego o greh khanikase ni đinol pe, te naj le o Zakon. 14 Al o meripe vladisada tare Adameso dži e Mojsijaso vreme i pe kola save ni phaglje e Devleso zapovest sar o Adam, savo si slika Kolesi savo ka avol.

15 E Devleso daro naj sar o greh e Adameso. Golese so, te but džene mule zbog o greh jekhe manušeso, e Adameso, but po baro si e Devleso milost thaj o daro savo primisade but džene prekalo milost jekhe manušeso, e Isuseso e Hristeso. 16 Thaj gova daro naj sar kova so avilo prekal kova savo grešisada. Gija, prekalo jekh greh avilo o sudo savo anda osuda, a o milosno daro avilo pale but grehura thaj anda opravdanje. 17 Golese, te o meripe lija te vladil pe sa e manuša golese so jekh manuš ćerda greh, gija vadži pobut kola save primin ano izobilje e Devleso milost thaj e Devleso daro taro pravednost, ka vladin ano džuvdipe prekal jekh manuš, o Isus o Hrist.

18 Golese, sar so sa e manuša sesa osudime bašo greh jekhe manušeso, isto gijate bašo jekh pravedno delo sa e manuša ka aven opravdime thaj ka avol len čačukano džuvdipe. 19 Golese so, sar so bašo neposlušnost jekhe manušeso postanisade but manuša grešnikura, isto gijate bašo poslušnost jekhe manušeso but džene ka aven pravednikura.

20 O Zakon avilo te bi e grehura barona. Al kaj but barilo o greh, odori o Dol dija po milost ane pobari mera. 21 Gova sasa te bi, sar angleder o greh vladila e merimasa, ko isto način e Devleso milost vladila prekalo pravednost thaj te anol o džuvdipe bizo meripe prekalo Isus o Hrist, amaro Gospod.