Apocalipse 20

Haya dubu

1 Ne hyan acuma a Hwinsu ne kazingi zata u zaro, na wa waba a kumbagage makuli na kasarka ma ulambu una u zwambuci dinyiya na wa waba . 2 Kwa ne kumbe udwojo una u nya̱ga na ahwa, ahwa ani yanse tuni, abe asa iwo, ko setan-acuma ani kwa ne pare an na kasarika hal korwo u haya dubu. 3 Acuma kwa ne kwamana udwojo una u nyaga na ahwa na suwa ulambu una u zwambuci dinyiya, kwa ne gundan na makuli nga̱ aba za ipwanakana ibirgyaga aco doone kwa ne gudan na makuli na hatimi kwa haya hani dubu ha sinji. Ai pasinge an na lokaci cimu. 4 Kwa gya ne hyan mudaluwo mu cigwama, aco na madale na muba a yaje ga a ia̱ shara’a. Ne hya hinda sihunru sa aco na aba gunji sicwa siba zwama cikarigo ci Yesu na cikarigo ci Hwinsu. Abe a wonje ikuztana ikwacukwacu ko ina nya̱ga ne ba, ko hinda a wonje a hinlane sinu yaba ko siwa saba. A̱ ringe sihuru saba hal a e cugwama ci doone tare na Kristi hal haya dubu. 5 (Aco na a kwaji mewa ai ringya sihunru saba hal haya dubu ha hogi.) Uni ube usa i wasengewo pa aco kwajo i jigu. 6 Unu u burya̠ na nagu magwata̱ usa aco na a masenge na jigu. U’o u lagi uza koce na ba, ai sana labe labe Hwinsu na Kristi ai ia̱ cugwama na Bware hal haya dubu.

Ihono i setan

7 Sa haya dubu ha sinji acuma a Hwinsu ai pasingya setan na suwa ukaba u ci’incu, 8 ui sere birgyagi aco na yiwa ma gatgage na hasala ha nasi ha doone wata, Gog na Magog. Setan ui tanaga ga a ia̱ gasa, nga̱ kahoga ka ha̱hin na hega u suwa u uwo. 9 A̱ ali kwa ne ese suwa u doone, kwa ringana ihuga ina aco Hwinsu aba matanaga, i’ogo ina Hwinsu uba ka̱ri aco nagu magwata̱. Ama kwa ula ne sere zata u zaro ne hunkacuma ga ka̱mu. 10 Hinda kwa aba ne kwamana setan, ana a gazga aco an a birgyagi ga na suwa ulanbu ula u cine una uza uwunsu, ihuga ina aba kwama nama] na acubago cibya. Ai sungula ga na gita na hwinsu za ihogu.