1 Kwa acuma a Hwinsu na ciba uwo u miya una ui pan a̱huru, man ma cingere nga̱ magane, mana ma yiwa ne zibi pa idalo i cigwama ci Hwinsu na Bwa bu Ujumaga, 2 ma yiwa ne zibi na isa u yina u i'ogo. Na tinba usala u uwo aza u'on una ui pan a̱huru, su e imata hal ikope na birya na uya, wata tunba pyana su mace. Hinda habunba ha u'on uni hasa byaco una ui hwingacumo mu'ogo muna mui dakuwo Hwinsu. 3 Aza i bangi ina Hwinsu uba tane unu na i'ogo iniyo. Idalo i cigwama ci Hwinsu na Ujumaga ibe i yana na i'ogo ini, agyama bware abe ai pan on cilabe. 4 Ai hyana sinu Bware, hinda ai hinlanga ize i ba na sinu yaba. 5 Aza i eakana gita. Aza i ginbaga cingero apicila ko cingero u hwinsu, zwama Hwinsu ube ui sana cingero. Ai e cugwama cina ci za ihogu.

6 Kwa acuma ne hin na gya, <<Cikarigo cina cisa kamahinda na ina aba ai yaje na ciba. Buca̱ bu yaba, Hwinsu una u pan acuma a̱huru u ba, u cuma acuma u ba a cibe agyama u ba ina i ia̱ga aza i sana.>> 7 Yesu bu hin, <<Byana, na yiwa na korwo nazaa i sana! I burya̠ i sa aco na lagano cikarigo cene ci zwamago ci uyingiri utakada uni.>> 8 Gya, Yohana, gyamui na hoge hinda na hin ini, kwa gya ne kuzata na sinu acuma ana na cibage ini zwama gya pan an cilabe. 9 Ama kwa aba ne hin na gya, <<Ta ea haruni! Gya nasa a'osa i pano cilabe goo na ahun na bui acubago na alagano ka̱mu an yaje na cikarigo ci uyingiri utakada una. Hwinsu ube u goo bui pan cilabe!>> 10 Kwa buba ne hin na gya, <<Ta kubtana cizwamago ci uyingiri utakada a acuma, zwama lokaci u yabutano una ini iba i ega. 11 Ka̱mu buna bu yiwa ne ia̱ga mugota bu re a̱li ne ia̱gu mugota; buna bu yiwa ne ia̱ga i yinzangu bu re gaba ne ia̱ga i ciyinzangu, ka̱mu buna bu yiwa ne ia̱ga i burya̠ bu re gaba ne ega i burya̠, ka̱mu buna bu yiwa na nagu ciri bu re gaba na dala a nagu ciri.>> 12 Yesu a hin, <<Gyamui abuce, na korwo na mabuna! Ne yiwa na korwo na daje na wa nimui, ne pan tiganba habe ina buba i. 13 Gyamui na sa Alpa na Omega, jigu na ikundagu, irwago na ikundagu. 14 Hwinsu ui tane Unu u burya̠ usa aco na guzagi cilapo ci ba, zwama a hin iyajo a re imata u'on una ui pan a̱huru koce a ese suwa u mu'eba mu i'ogo. 15 Ama an yiwa ne ijepu abe asa adaba, na aco na egu ciwoka, na aco na egu cidana, na aco na a honago aco, na aco na lagano ina i sa Hwinsu, na aco na ka̱ri cibya hinda a yiwa ne ia̱ga ca. 16 <<Gya, Yesu, na cuma acuma nimui zwama ai zwama ini na coci. Gyamui nisa ipicu i Dauda, igingaa i cingero ubungwa ma'enta.>> 17 a̱huru a Hwinsu na amarya a yiwa ne zwamaga, <<kurya!>> ka̱mu buna bu hoge bu hin, <<Kurya!>> Buna bu yiwa ne hoge cu'oin, bu kurya; hinda buna bu gimbo, bu ce miya ma a̱huru daje. 18 Gya, Yohana. ni yiwa ne numi ka̱mu hacube buna bu hoge numa u uyingiri utakada uni hacube, tiganba buna bu jidane ihya pa cikarigo, Hwinsu ui jidana bo wahala una aba hilange na utakada una. 19 Hinda tiganba bu cako pa cikarigo ci utakada una, Hwinsu ui caga daje u imata u'on u a̱huru na i'ogo ina i zaa magwata̱, ina aba hilanga na uyingiri utakada una. 20 Buna bu cubage i ni bu hin, <<I, Ne yiwa na korwo nazaa isana.>> Harbuni! kurya, Buca̱ bu yaba Yesu! 21 Unu u burya̠ u Buca̱ bu yaba Yesu u yan tare na aco Hwinsu. Harbuni.