1 Harbuni kwa gya na hoge bicwaro bi labe bya aco na zaro, aba hin ,

<<Pan Hwinsu cilabe!

I cago, na izangacu, na koce u yiwa pa Hwinsu nuci,

2 Zwama shara'a.

buba sisa burya̠ hinda asa kamahinda, u gyamace hinda. A ia̱gi akaruwa

a labe ana hacigage doone na ibwana i cidana ca ba.

Hwinsu u ia̱gi en shara'a zwama u hune agyama.>>

3 Kwa aco na matanaga ne gupa san cu'ogo aba na zwamaga:

<<pana Hwinsu cilabe!

muhiwu mu ula muyiwa na masinga hal ina i za ihogu.>>

4 Kwa a'unga kupe arya̱ na nasi na mukocukocu muna mu za sihunru si nasi kwa na hine kwa na pana Hwinsu cilabe, buna bu madale na idalo i cigwama bu yiwa na zwamaga,

<<harbuniyo!, harbuni pan Hwinsu cilabe!>>

5 Kwa aba na huge bicage bicaro na idalo i cigwama iba na zwamaga:

<<pan Hwinsu cilabe,

ga̱hi agyama,

ga̱hi buna yiwa na huge wasa uba,

aco labe na saawo si nuya!>>

6 Kwa gya na huge ihya nga̱ bicaro bi labe pa aba ma tanaga nga̱ mupyala mu miya muna muyiwa na munda nga̱ bita bi kuce, na ci'ogo:

<<iba na zwamaga, ugana je Hwinsu

zwama Hwinsu nuci uza kuce hinda ube yiwa na cigwama, ci iyi wa̱wo, ci zangaci unwa! Zwama cigya ci wuco ci Bwa bu Hwinsu. Hinda amarya ama kimgano

7 Ci ia̱ji wa̱wo na soo u burya̠

hinda ci pana bo izangacu!

Zwama lokaci u cigya ci Bwa bu ujumaga u iu.

Amarya a buba a i shiri.

8 Cilapo ci cine ciza magwata̱ hinda ciza cingero,

<<a̱ pa inya ima bwada.>>

(Zwama cilapo cene ci nya̱ga na ibwana i burya̠ ina i zaa magwata̱.)

9 Kwa bucuma bu Hwinsu na hin na gya, <<hilanga ini, Iyi burya̠ isa pa aco na aba uga pa cigya ci Ujumaga.>> bu hin hinda, <<Ina ibe isa numa Hwins kamahinda.>>

10 Kwa gya ni kuzata pa bucuma bu Hwinsu bware kwa na pan bware cilabe, kwa bware na hin ni gya, ta ia̱ haruniyo gya ma na sa bugyama pa ipano cilabe a cihin goo na ahun nabuya ga̱hi ina iba kumgage sheda u Yesu. pana Hwinsu cilabe!>> Zwama numa i mahinda ina i Yesu iba iri ibe isa kuce i zwamago ina i ia̱gi.

11 Kwa gya ne hyan zaro magonje, na bijwakwa bi cene kwa bi yinsa. Iziya i buna bu yiwa zata, isa itano soo na Kamahinda, zwama busa buna bu ia̱ shara'a na burya̠ bu ia̠ gasa una usa u burya̠. 12 Haisa ha buba ha sane nga ula, hinda na icwa i buba buzaa naji dinyiya. A hinlange ize na ikanga i buba azaa buna bu daki ina aba hinlange kwa di bubiya. 13 Cilapo cina buba mabwada a cwape ca na mahya, ize i buba, <<Numa i Hwinsu>>. 14 Musoja mu zaro mu laga bo, zata u jwakwa cene na hazonga haba ha cene nga̱ cizo 15 Na suwa u uno u buba kasakari ka cire ka sire, na kabe buba bui hone mu'ogo mu doone. Bui ia̱ cugwama ci muba na agungu ai iroma. Bui ciba ihacigago i soo Hwinsu, zwama bui ponjega ugwala u maro ina iza ubobo u soo u Hwinsu. 16 A hinlange na icika i buna i buba na uta: <<Bugwama bu mugwamgwam Buca bu hacaca>>. 17 Kwa gya ne hyan bucuma bu Hwinsu bu yisan na hwinsu, kwa ne ugana muwono na bicwaro bi labe muna mu yiwa ne zaro: <<Kurya je i tanaga mare ma cigya mana Hwinsu uba pan daje. 18 Kurya je i re munigwa mugwamgwam, musoja mu labe, munigwa mu jwakwa na aco na yiwa zata u ba; na awuma ka̱mu, gyama na an ai sa agyama, wuma labe na saawo!>> 19 Kwa gya ne hyan ikwacukwacu na bugwama bu doone na musoja mu ba ma tanaga ginbo ui ea ihona na musoja na buna bu yiwa zata u bijwakwa. 20 Hinda kwa aba ne kumbe ikwacukwacu, tare na acubago cibya an ia̱gi i mamaki na koce mukwacukwacu hal a hin lagano ana yaje na a tane ga cihenro ci ikocukocu na sinu yaba, hinda na aco na pana ikwacukwacu cilabe. Ka̱mu ikwacukwacu na acuma cibya a kwama ga na ula una u yiwa na igarga. 21 Musoja muba a hone mo ka̱mu na kasakari kan ka sere na unu buna bu yiwa zata u bijwakwa bi cine. Kwa muwono ne re munigwa mu ikanga yaba.