1 I yiwa na hya i jidano i suwa zwama Kristi, ko i yiwa na hya i dulacumu i suwa zwama maka̠la̠ ma Yesu, ko iza i gamu i sicwa zwama An hunrun a Hwinsu, ko hinda iza maka̠la̠ yama na hasuwa an hanhin, 2 sa izi ini ka̱mu na yiwa na i ona isa wa̱wo nimui ima sinji pa cikarigo a cihin ci sa cikan, na maka̠la̠ maikan, na nupi uikan. 3 Ita ia̱ihya na maka̠la̠ ma icwa kwa di na izibiwo i icwa ama ita ciba i zake cagiya aco. 4 Tiganba buta madama zwama icwa i buba, ama zwama cagiya aco.

5 Suwa una ga̱hi i zan u san una u nyaga na una u Kristi Yesu:

6 Buna bu za kama a Hwinsu,

ama bwe zanguwo icwa i buba busa Hwinsu,

7 ama bu maisi icwa i buba bui sa ihya,

bu zangi icwa i bugyama Bu maringe nga̠ buco.

8 Bace na haruni na inyagano na buco,

Bware bu maisi icwa i buba bwe sa ihya

hal bu yaje bu kwaji

hal ma u'o u masacu ma o'on!

9 Hinda na haruni, Hwinsu u zangaci Bware zata una u zake tibai zangaro

kwa na pan bware iziya ina i zake tinba izaya moso,

10 hinda na pano iziya i Yesu cilabe hanwungurumi kanmu hai kuzat,

na zaro ko na cinge na imya i cinge,

11 na tanba anre an hin Yesu Kristi isa Buca̱ bu yaba,

pa izangacu i Hwinsu na Buca.

12 Zwama haruni, si'osa a simui sina gya na ka̠ri, inga ganhin i rigyano i yaje na cikarigo caba gya tare na ganhin, na gibo i zake hon gya na za tare na ganhin ma i zake-re je gaba na ibwana zwama icago nihin i sinji hinda i gamai iwasa na cidagaro ci ikanga. 13 Zwama Hwinsu u be u yiwa na ibwana na suwa nuhin ube hinda ui san i ea i burya̠ ina uba ginbo

14 Eaga je tibai sa tare na ha wonzorwa ko masisa, 15 zwama i san aco nagu magwata̠ na saawo sa nagu ciri, sina si yiwa na doone u aco ciri, i cibe bangaro nuhin nga̱ muginga mu doone 16 inga ga̱hi i zwama ga cicuma ci laco-inga gya na ia̱ga cikibi hon uringeewo u Kristi inga uba ui sana na ia̱gu cihano kanmui. 17 Hinda i yajo nihin na Hwinsu i nyaga na i baciga i umuga na piso mahya ma Yesu na hoge wonwo tare na gahin. 18 gahin ma i ea wanwo tare na Gya.

19 Na tane suwa na Buca bu yaba Yesu na gya cumane na Timoti kurwa a pahin na za i sana, zwama gya ma jidane ihoge koce u hawungurumi sa na hoge labari nuhin 20 Zwama na za buciyahya inga Timoti buna bu ma dami kamahinda na ga̠hi. 21 Zwama tiganba ka̠mu bu ka̱ri ina hasuwa hab ginbo, sa ina Yesu Kristi aba ka̱ri. 22 Ama i daki an Timoti a cibo icwa ya ba na bu jube, zwama bware bu ea ibwana i cikarigo ci laco tare na gya buca bu bware. 23 Na ginbo i cuma bware kurwa a pahin si na hoge ina i ia̠ga na gya. 24 Hinda sa Hwinsu u yaje gya ma na korya na icwa nimui muhon amone.

25 Ama na hyan u gyamace gya cumane na buhun a buci Abaporiditus ana a ia̠gi ibwana na ihona tare na gya buna hinda busa nga̠ acuma na bangana. 26 Zwama bware bu cimgagi bui hyan hal soo u bware labucuwa zwama ihogo ina i ga̠hi i hoge na bware bu rumagi. 27 Kamahinda bware bu rumagi, hal ma inga bwe kwaji. Ama Hwinsu u hoge yama i bware, na gya ma ta hoga suwa siri. 28 Zwama haruni gya na jidane i cimugaga cumane na bware, zwama jidane i hoge laco si ihyan bware, hinda ihacigago i soo nimui u ali. 29 Ca je bware na maka̠la̠ Hwinsu tare na wa̱wo dinyiya, i pan bware cilabe, 30 zwama bware bu gane cimu bu kwaji zwama ibwana i Kristi, zwama bu ia̠gi taimaki una ga̠hi i ma yage na ia̠gya.