Lucas 16

Buco bu dukiya ni Liazaru

19 <<Yesu hin an a iyi bucahya buna buzi dukiya dinyiya busa bu mabwada hazunga ha musarya dinyiya hinda i huga i malabo ma buba ise i musarya. 20 Ni i iba iso yaba buba azi buco bu una ize i buba Li’azaru, ikanga i buba ka̱mu iza hahuga 21 tun humba busa bu kurya bu madale ciyabu buco bu musare bu yiwa ni re mare. Sewa sisa si kurya siba ni lanje hahugo ha buba.

22 <<Lokaci u kure kwa buco bu musare na ni kwaji hinda kwa acuma Hwinsu ni zangi bwa kwa ni kula bwa ciyabu Bucibagu Hwinsu Ibrahim. Kwa buco bu jukiya hinda ni kwaji hinda a wumbo iya. 23 Ni yaba ula, buco bu dukiya bu ise wahala dinyiya, kwa buba ni danda hisa zata hinda kwa ni hya Ibrahim ahwayo cimire, aba tare ni Li’azaru ciyabu ni bware. 24 Kwa buco bu jukiya ni ugan bware, <Buca abumui Ibrahim, huga yama nimui cumana Liazaru a tane ibwab yaba ni miya adulocumi a̱re nimui, zwama niyiwa ni hugi sungoro ula dinyiya.>

25 <<Kwa Ibrahim ni hin, <Bwa, ma butiryagya nga̱ buba yase ni doone bu yasa ni hya iyi burya̠, ama Liazaru aba ni hyan ini i gyamacuwa, baniya bware bu yiwa ni hugi laco hinda bu buyiwa ni hugi sungoro. 26 Banni haruni ma, sakani nuci ni goo azi ulambu u labe una u yiwa sakani nuci ni goo, zwama aco ina gimba kure ahwaci aza pwa, ko hinda buna bu gimbu i kaca kuro ahwaci.>

27 <<Kwa buco bu musarya ni cyani, <Zwama Hwinsu niyiwa nibu una, buco abumui, cumani Li’azaru pa buco abumui, 28 Zwama niza a̱hunwo ta. Bu kure bu numiga hacube, zwama ata kurya ihugo ina gya niyiwa nisu wahala.>

29 <<Ibrahim a cyani, <Azi Musa na acubago Hwinsu; ahuge ga.>

30 << <Aye, buco abumui Ibrahim,> bware bu hin, <Ama si buco bu kwaju bu maringe paba, i curya eewo.> 31 <<Kwa Ibrahim ni hin ni buba, <Si e huguwa Musa na acubago Hwinsu, aza iyaje ko buco bu kwajo bu kure paba.> >>