1 Na ubungwa ma'enta hon lahadi si'a si kure na manube ma kamshi pa iziyi,man siba kimga. 2 Kwa ni bangya tare a swabkan, 3 Ama nga̠ aba ise, abanguwa ikanga Bugwama bu duniya Yesu. 4 Aba ni eag tunani ni ina aba hyan, kwa aco barya na hazunga ha cine nga̠ ula a yisa ciyabu nab. 5 Iwasa kwa ni kumbega kwa aba ni kuztan sinu yaba ni cinge, ama kwa aconi ni hyen naba, <<Biya sa gahi uyiwa ni gimbo buco buna buyiwa pa aco ni kwaji? 6 Bware buza; bware bu masingo! Mabutaragiji nga̠ bware bu zwam, nga̠ bware bu yasa ni gahi ni suwa Galili: 7 <Bwa bu buwama i cutani bwa ni suwa si aco eago eewo, i huni bware ni muhun mutacula bwe masinga hinda.> >> 8 Kwa aba ni mabuturagi cikarogo ci bware.

9 Inga aba a maringiya pa iziyi, kwa aba ni zwama silmajiri kupe ni ika kamu ni si cagiye. 10 Maryamu magadalin, ni Yowana, ni Maryamu mana ma Yakub ni si cyage si'a sina si yiwa tare na saba abe asa si'a sina si zwama silmajiri si Yesu ina ya pale. 11 Ama a yajuwa ni cikarigo ci si'a, zwama a huge cikarigo ciyaba nga̠ cisa ci kawai. 12 Bitrus, bware bu masinge ni munda kure wui iziyi. Bware bu kuki, kwa ni hyan ulapo u cine uba ni cinge, kwa bware ni mawalan, bware ni makargyan ni suwa buba ibe pari.

13 Huni bye hya barya aba ni kurwa hila ana aba ugo Imawus, mil tandarya kurwa Urshalima. 14 Aba ni cikarigo zwama ina pare. 15 Aba ni cikarigo ina pare, Yesu ni icwa bware a kure aba jabag tare naba; 16 Ama bware bu swangiyega a ganuwa bware.

17 Bware bu kabaga, <<Iya gahi ni kargyaga?>>

kwa ni yisan hugo inka, suwaba u hacigagi. 18 Buika ciki aba buna aba ugo Kiliyobas, kaba bware, <<Ama guwo usa unyagata kawai ni Urshalima bwadakuwo ina pare ni muhun muniya?>>

19 Yesu i kabo ga <<Ibai pare?>> bware bu kaba.

<<Zwama Yesu u Nazaret a cane.>> bware basu bucubagu, cikarigo ci buba cizi kuce pa Hwinsuna aco kamu. 20 Bulabe ni mugwamgwam abe kule bware a hune bware, hinda jukai bware; 21 Ama ci tani soo bware bo kari caga aco Isra'ila. Hinda ci ugana, bayan muhu mutaco zwama uni uba pari. 22 Ni jidanu hinda, ciki a si'a sisu si'i zwama mamaki. a kuri ni ziyi ni ubungwa ma'inta nawuya 23 Ama a banguwo ikanga i bware. A kurya ci zwama a iyi hyanu pa bucuma bu Hwinsu, buna bu hin ana bware busa hargu. 24 Hinda hwa ciki naciya a kuri pa iziyi kwa ni bangi ina sia siba zwamaga ama a hyanuwo bware.>>

25 Yesu bu hin naba, haba gahi aco nagu tunani, ni nagu suwa wui yaju ina kamu acubagu aba kargyage! 26 Ashe sa Kristi a su wahala kacumo bware ise pa cilabe ci bware? 27 Urwagu ni Musa ni kamu acuma Hwinsu, bware bu eagyaga bayani ina cikarigo ci Hwinsu ciba hyan.

28 Inga aba yabta i oga ni aba gimba kure, Yesu ea nga̠ i ka̠ri hwace ihugo. 29 Ama kwa aba ni une bware, <<Yisan pa gaci, zwama uyinbe u iwo; gita a iwo.>> kwa bware ni ise tari nab.

30 Aba ni re mare, kwa bware ni zangi burodi, bware bu goji Hwinsu, kwa ni buse kwa ni panaga. 31 Kwa hisa haba ni magunja kwa aba ni gani bware, kwa bware ni inag paba. 32 Kwa aba ni makaban, <<Besa hasuwo ahahi hahupuwo bware ni cikarigo ni gaci ni yina hinda buciba cikarigo ci Hwinsu?>>

33 Kwa aba ni masinga kwa ni ala Urshalima. Apayi aba bangi silmajiri kupe na ika , kwa si matanaga huga inka 34 ni zwamag, <<Kamahinda! bugwama bu duniya bu masingwa bu silta Bitrus.>> 35 Kwa silmajiri sirya si zwamaga ini egyi ni yina,hinda nga̠ Yesu iba gunji hisa haba nga̠ iba paga burodi

36 Tun aba ni cikarigo zwama iyi ni, Yesu ni icwa bware a yisa ni suwab kwa bware ni hin nab <<Unu uburya̠ u yana gahi.>> 37 Iwasa i kumbega aba ni daglag ikanga, aba ni tunani nga̠ hyan patalwa. 38 Bware bu hin nab, <<Bisa ga̱hi hugi iwasa, biya sa nagu u yaju ni suwa nihi? 39 Hyaniji wa numui ni buna numui. Gyamui ni icwa nimui! Ni dangiji i hya; upatalwa uza munigwa ni ha upa, nga̠ gahi hya niza.>>

40 Inga bware bwa hogu cikarigo cini, bware bu cibega wa ni buna bware. 41 Tun aba ni nagu u yaju zwama wa̱wo na mamaki, bware bu kabaga, <<Iza mare ma cire piya?>> 42 Kwa aba na pan bware i kindi i irege ni burodi, 43 Yesu bu ce kwa ni re ni hisa aba.

44 Yesu bu hin naba, <<Ina gya ni tab zwamagya ni ga̱hi: Tuwamba ka̱mu wui sinji ina aba rubuci zwama numu ni utakada u cibago I musa, Acubago ni utakada u zabura.>>

45 Kwa Yesu ni gunja suwa wab zwama adakya cikarigo ci Hwinsu. 46 Bware bu zwamaga, <<Ina aba rubuci: Kristi ui su wahala hinda bu masingiya pa aco ni kwadagi pa hwinsu u tacula, 47 Curyagu eewo ni hiwo gafara u eewo i cubaga ni ize ibware pa aco ka̱mu, i rwaga ni urshalima. 48 Gahi yi sana sheda ina ka̱mu. 49 Ni kari ni cuman ina buca abumui buba iyi alkawali; ama i yisa ni suwa ui iogo kwa huna aba gwadana kuce pa zaro.>>

50 Yesu busilacumega kacuta ka iogo i Betani, bware bu danda siwa si bware ni tanaga unu u burya̠ . 51 Yesu ni tanaga unu u burya̠ , bware bu curega a zangaci bware danju u zaro. 52 2 Kwa aba ni pan bware cilabe kwa aba ni maringya ni urshalima ni wa̱wo dinyiya. 53 Kwa aba ni madala ni suwa iginga, aba ni pangana Hwinsu cilabe.