1 ijuwas yuwa lliy diyma yella y yuwnes memmis n amittay: 2 «kker ureḥ al ninwa, al aydin n tmura temeqqart. mlesen: < rreṯ lbaluwem. rahiy rebbiy izer g ccer lliy teteggem. > »

3 yuwnes yekker. amma yerwel al terciyc lliy tebƹed af ninwa. ireḥ al tmura n yafa mani yufa lbabur tateffeγ al terciyc. ixelleṣ, yerkeb yid ibeḥḥaren diyes bac witegc lliy yuwayas fellas lliy diyma yella.

4 yaxy yenkiy lliy diyma yella aḍu d meqqar af iylel yeggi lƹefrit qwi almiy ḥeḍerbac taterez lbabur. 5 xleƹen ibeḥḥaren, aḏ yeqqim kul yjen sisen iḍelleb g rebbiys aḏ luḥen lliy yusi g lbabur lkul bac atxef. amma yuwnes yusi yezwa g lbabur yeṭṭes tirrist temeqqart.

6 yaxy yusesd rreyes ysekri aḏ yuwayas: «cbiḵ teṭṭeseḏ zeγ? kker zzal y rebbiyḵ, balekc aγenyesmuqel aḏ winetmitic.»

7 aḏ uwan ibeḥḥaren y beƹeḍhum: «yya aneg lqurƹeṯ bac anessen mam yuγaneγd ayuh n nnaḥes.» ggen lqurƹeṯ, yaxy tused af yuwnes.

8 uwanas: «mleneγ maγer yuseneγd ayuh n nnaḥs? d matta ṣeneƹtiḵ? manis tusid? d mentan lebladiḵ? aḏ d mam middeniḵ?»

9 yaxy yerrasen: «neči d ƹebreni, aḏ sseneγ lliy diyma yella; rebbiy n ujenna lliy yeggi iylel aḏ tammurt.»

10 beƹd mag yuwayasen lliy netta wiyeggic matta yexs lliy diyma yella aḏ yerwel, ugeḏḏen ibeḥḥaren ggeṯ aḏ uwanas: «maγer witteggic s dwiys.»

11 mniyn yusi lmuj irenni sesetnent: «matta aneg diyeḵ bac ayers iylel.» 12 yuwayasen: «luweḥtiḏ g iylel ṭuruh ayers, ṯabet ayuh n lƹefrit yekkerewemd afelxaḍertiw.» 13 amma ibeḥḥaren ggen ljehdesen bac aḏeṣlen al cceṭ lekenti wiquddenc asaṣlen afelxaḍert lmuj yusi irenni. 14 yaxy ṣeyḥen y lliy diyma yella, uwan: «ayya lliy diyma yella wiγentedjac anemmuṯ afelxaḍert n ayuh n argaz, witegc g tḵerminenneγ iḏemmen n wuh lliy wiγenyeggi ḥaja. rahiy d cek d rebbiy lliy diyma yella lliy texseḏ amyuh.» 15 qamen yuwnes luḥent g iylel, yaxy yersa lmujis. 16 fehhen irgazen aḏ ugeḏḏen ggeṯ aḏ aγresen y lliy diyma yella aḏ uƹeḏen bac asγersen lweƹdeṯ iḍen beƹdin. 17 aḏ yenkiy lliy diyma yella trebit temeqqart bac atebleƹ yuwnes. aḏ yeqqim g jaris 3 d ussanaṯ s iḍenesen.