1 yeẓẓul yuwnes g jjar n trabit y rebbiys, lliy diyma yella.

2 yuwa:

«ayya lliy diyma yella.

ṣeyḥeγ al γareḵ seg ḍḍiqiw.

yaxy terridiḏ.

seg amas n burriƹ n temettent zwikγaḵ,

yaxy teslidiḏ.

3 tluweḥdiḏ al aman

lliy aγreqqen g amas n iylel,

nnaḍḍen siyi aman.

hejmen fella lemwejiḵ imeqqaren lkul.

4 ḥsebγaḵ tzaƹzeqdiḏ seg zzaṯiḵ.

zeƹma taquddeγ tijekkelt iḍen

azreγ lheyekeliḵ meqdus.

5 creqeγ, aman imeqqaren nnaḍḍen siyi,

telga tuḏen ixfiw.

6 al adug n lqeƹ n lejbal udiγ.

ddunyeṯ teqeṣ defferiw leblejjeṯis y diyma.

amma cek tsefeγdiḏ

derreγ seg ayuh n leqber,

ayya lliy diyma yella; d rebbiyw.

7 mniyn tleqfeγ, cek lliy tusid af lbaliw,

ayya lliy diyma yella. tẓalliṯiw tuli al γareḵ,

al meqdus lheyekliḵ.

8 diyes seg midden, midden tẓallan y leṣnam.

aḏ tedjan lliy yetquddu atenisemneƹ.

9 amma neči, taxγerseγ aḏ neči ḥemdeγ.

lliy uƹeḏḏeγ siyes tateggeγ,

rahiy d cek lliy tesemneƹeḏ, ayya lliy diyma yella.»

10 yaxy yuwa lliy diyma yella y trabit. «luwḥ yuwnes al cceṭ.» tluweḥi.