1 a y elli exesγawem, eθSedqemc lerwaH elkul, emma jerbemten bac e θesnem esγiyr rebbi ziyγ la, εelexaTer egget lenebya elli esxerxuwsen useδen y edduwnyeθe. 2 erruwH n rebbi ettesnem s wahen: kul erruwH eθesθeεref elli yesuwε elmesiyH raw yuseδ g elebδen esγiyr rebbi, 3 w kul erruwH ettesθeεriyfc s yesuwε, raw muc seg rebbi emma δ erruwH n elεδu elli θesliym δeyeddes, w ture nette g edduwnyeθ. 4 idrariw, xenwem esγiyr rebbi, w θeγlebem leεδe εelexaTer rebbi elli δiywem eqwe n ecciyĎan elli g edduwnyeθ. 5 niyhniyn seg edduwnyeθ, w elli eqqaren δiys seg edduwnyeθ, w edduwnyeθ tessaγDe δiysen. 6 nečin esγiyr rebbi, elli yessen rebbi exenyesseγeD, elli elyessiynec rebbi exenyesseγDiyc. s wahen enessen erruwH n elHeq seg erruwH n elbaTel.

7 a y elli exesγawem, edj anexs beεeĎne εelexaTer exse seg rebbi, elli yexs yemmaru seg rebbi w yessen rebbi. 8 elli eliγic elyessiynec rebbi, εelexaTe rebbi δ exse. 9 w sahen yessexnane rebbi exsas: yuzen memmis elli γers kan ennette y nečin bac e nedder essis. 10 tay exse, nečin ennexsiyc rebbi yemenni ennette elli yexsane yazen memmis δ eĎHeyyeθ bac e yefδe leγlaĎenne.

11 a y elli exesγawem, iδekan rebbi sahen yexsane, nečin zade yelzem enexs beεeĎne. 12 Hette elεebδ elyezri rebbi. max anexs beεeĎne eyeθbeθ rebbi δiyne yekmel exsas δiyne. 13 w sahen enessen elli nečin neθbeθ g rebbi w rebbi yeθbeθ diyne, εelexaTer yuceyane erruHes. 14 w nečin nezre w encehheδ elli dadde yuzen memmis bac e ymenneε edduwnyeθ. 15 elli eyesθeεref s yesuwε δ memmis n rebbi, eyeθbeθ δiys rebbi w nette eyeθbeθ g rebbi. 16 nečin nessen w nettemmen s exse n rebbi y nečin. rebbi δ exse, elli eyeθbeθ g exse eyeθbeθ g rebbi w rebbi eyeθbeθ diys. 17 εelexaTer nečin g edduwnyeθe emmax elmesiyH siyn, enebδe weθqiyn g as n eleHsab. w sahen eyekmel exse δiyne. 18 leHebbac e lxuwf g exse, emma exse elkamel yetgelleb elxuwf. elxuwf seg elεquwbeθ, elli yettekeδ exsas elyekmilc. 19 nečin nexs εelexaTer nette yexsane qebl. 20 iδekan iyjen ayen: "neč exse rebbi." w nette eliγic enjes, yesxerxus, εelexaTer elli eliγic enjes elli yzer δiys, eligeddec ayexs rebbi elli eθizerrec. 21 w elewSiyyeθe seg elmesiyH y nečin: elli yexs rebbi yelzem ayexs enjes zade.