નીતિવચનો 1

1 ઇઝરાયલનો રાજા, જે દાઉદનો પુત્ર હતો, તે સુલેમાનનાં નીતિવચનો.

2 ડહાપણ તથા શિક્ષણ સંપાદન થાય,

ડહાપણની વાતો સમજવામાં આવે,

3 ડહાપણભરેલી વર્તણૂકની,

નેકીની, ન્યાયીપણાની અને ઇનસાફની કેળવણી મળે.

4 ભોળા માણસને ચતુરાઈ મળે

અને જુવાનોને ડહાપણ તથા વિવેકબુદ્ધિ મળે.

5 જ્ઞાની પુરુષ સાંભળીને વિદ્ધત્તાની વૃદ્ધિ કરે

અને બુદ્ધિમાન માણસને માર્ગદર્શન મળે.

6 કહેવતો તથા અલંકારો;

જ્ઞાનીઓનાં વચનો તથા તેઓના મર્મો સમજાય.

ખોટી સોબત સામે ચેતવણી

7 યહોવાહનો ભય એ ડહાપણનો આરંભ છે.

મૂર્ખો ડહાપણને તથા શિક્ષણને ધિક્કારે છે.