1 યહોવાહની સ્તુતિ કરો.

તેમના પવિત્રસ્થાનમાં તેમની સ્તુતિ કરો;

આકાશો તેમના પરાક્રમનો પ્રદેશ છે, તેમાં તેમની સ્તુતિ કરો.

2 તેમનાં પરાક્રમી કાર્યો માટે તેમની સ્તુતિ કરો;

તેમના ઉત્તમ માહાત્મ્ય પ્રમાણે તેમની સ્તુતિ કરો.

3 રણશિંગડાં વગાડીને તેમની સ્તુતિ કરો;

સિતાર તથા વીણાથી તેમની સ્તુતિ કરો.

4 ખંજરી વગાડીને તથા નૃત્યસહિત તેમની સ્તુતિ કરો;

સારંગી તથા શરણાઈ સાથે તેમની સ્તુતિ કરો.

5 તીવ્ર સૂરવાળી ઝાંઝો સાથે તેમની સ્તુતિ કરો;

ઝાંઝોના હર્ષનાદ સાથે તેમની સ્તુતિ કરો.

6 શ્વાસોચ્છવાસ લેનારાં સર્વ યહોવાહની સ્તુતિ કરો.

યહોવાહની સ્તુતિ કરો.