પ્રભુના શરણમાં સલામતી
ચઢવાનું ગીત.
1 જેઓ યહોવાહમાં ભરોસો રાખે છે
તેઓ સિયોન પર્વત જેવા અચળ છે, જે કદી ખસનાર નથી, પણ સદાકાળ ટકી રહે છે.
2 જેમ યરુશાલેમની આસપાસ પર્વતો આવેલા છે,
તેમ આ સમયથી તે સર્વકાળ માટે
યહોવાહ પોતાના લોકોની આસપાસ છે.
3 દુષ્ટતાનો રાજદંડ ન્યાયીઓના હિસ્સા પર ટકશે નહિ.
નહિ તો, ન્યાયીઓ અન્યાય કરવા લલચાય.
4 હે યહોવાહ, જેઓ સારા છે
અને જેઓનાં હૃદય યથાર્થ છે, તેમનું ભલું કરો.
5 પણ જેઓ પોતે આડેઅવળે માર્ગે વળે છે,
તેઓને યહોવાહ દુષ્ટોની સાથે લઈ જશે.
ઇઝરાયલ પર શાંતિ થાઓ.