સહાયને માટે પ્રાર્થના
ચઢવાનું ગીત.
1 હે યહોવાહ, ઊંડાણોમાંથી મેં તમને પોકાર કર્યો.
2 હે પ્રભુ, મારો અવાજ સાંભળો;
મદદ માટેની મારી પ્રાર્થના પર
તમારા કાન ધરો.
3 હે યહોવાહ, જો તમે દુષ્ટ કામો ધ્યાનમાં રાખો,
તો, હે પ્રભુ, તમારી આગળ કોણ ઊભો રહી શકે?
4 પણ તમારી પાસે માફી છે,
તેથી તમે આદર પામશો.
5 હું યહોવાહની રાહ જોઈશ, મારો આત્મા રાહ જોશે
અને તેમના વચનમાં હું આશા રાખું છું.
6 સવારની રાહ જોનાર ચોકીદાર કરતાં
મારો આત્મા પ્રભુની રાહ વધારે જુએ છે.
7 હે ઇઝરાયલ, યહોવાહમાં આશા રાખ.
યહોવાહ દયાળુ છે
અને માફી આપવામાં ઉતાવળા છે.
8 તે ઇઝરાયલને તેનાં
સર્વ પાપોથી ઉગારશે.