નીતિવચનો 1

જ્ઞાનવાણીનો પોકાર

20 ડહાપણ શેરીએ શેરીએ મોટેથી પોકારે છે,

તે જાહેર સ્થળોમાં પોતાની વાણી ઉચ્ચારે છે.

21 તે ઘોંઘાટવાળા રસ્તા પર બૂમો પાડે છે

અને શહેરના દરવાજે ઊભું રહીને વચનો ઉચ્ચારે છે,

22 "હે અજ્ઞાનીઓ, તમે ક્યાં સુધી ભોળપણને વળગી રહેશો?

ઓ ઠઠ્ઠા-મશ્કરી કરનારાઓ, તમે ક્યાં સુધી ઠઠ્ઠા-મશ્કરી કરવામાં આનંદ મેળવશો?

અને ઓ મૂર્ખાઓ, તમે ક્યાં સુધી ડહાપણને ધિક્કારશો?

23 મારી ચેતવણી પર ધ્યાન આપો;

હું મારો આત્મા તમારા પર રેડીશ;

હું મારાં વચનો તમને જણાવીશ.