कोरेशास नेमून दिलेली कामगिरी
1 परमेश्वर आपला अभिषिक्त कोरेशाला म्हणतो,
ज्याच्यापुढे राष्ट्रे जिंकायला त्याचा उजवा हात मी धरला आहे,
आणि ज्याच्यापुढे दरवाजे उघडायला मी राजास निशस्त्र करीन, म्हणून वेशी उघड्या राहतील.
2 मी तुझ्यापुढे चालेन आणि पर्वत सपाट करीन;
मी पितळी दरवाजाचे तोडून तुकडे तुकडे करीन आणि त्यांच्या लोखंडी सळ्यांचे कापून तुकडे तुकडे करीन
3 आणि मी तुला अंधारातील संपत्ती व दूर लपविलेली धन देईन.
अशासाठी की, मी जो तुला तुझ्या नावाने हाक मारतो तो इस्राएलाचा देव मी परमेश्वर आहे, हे तुला कळावे.