यशया 50:4-9

Em outras traduções

1. OMRCV Marathi Contemporary Version

   4 सार्वभौम याहवेहने माझ्या मुखात उपदेशात्मक जीभ दिली आहे,

   त्यावर थकलेल्या लोकांना पडू न देणारी वचने आहेत,

   ते मला रोज सकाळी जागे करतात,

   शिक्षण प्राप्त करणाऱ्यासाठी उघडावे, तसे ते माझे कान उघडतात.

   5 सार्वभौम याहवेहनी माझे कान उघडले आहेत;

   मी बंडखोर नव्हतो,

   मी मागे फिरलो नाही.

   6 जे मला चाबकाचे फटकारे मारतात, त्यांना मी आपली पाठ देऊ केली,

   जे माझी दाढी उपटतात, त्यांना मी आपले गाल देऊ केले;

   उपहास करणारे व थुंकणाऱ्यांपासून

   मी तोंड लपवित नाही.

   7 मी लज्जित होणार नाही,

   कारण सार्वभौम याहवेह मला साहाय्य करतात.

   म्हणूनच मी माझा चेहरा गारगोटीसारखा कठीण केला आहे

   आणि मी लज्जित होणार नाही, हे मला माहीत आहे.

   8 मला न्याय देणारे माझ्या निकट आहेत.

   मग माझ्याविरुद्ध कोण आरोप करेल?

   चला आपण एकमेकांचा सामना करू या!

   माझ्यावर आरोप करणारा कोण आहे?

   त्याने माझा सामना करावा!

   9 सार्वभौम याहवेह मला साहाय्य करतात.

   मला कोण दोषी ठरविणार?

   माझ्यावर आरोप करणारे सर्व जुन्या कपड्याप्रमाणे विरून जातील;

   कसर त्यांना खाऊन टाकेल.